CHAPTER 4: His parents

Isang magarang kotse ang papasok sa Donovan hacienda. Habang ang loob nito ay may sakahan at iba't ibang uri ng bulaklak na nakatanim dito. Kapag ikaw ay nakapunta rito ay gugustuhin mong h'wag ng umalis at magstay sa kagandahan ng mga bulaklak.

Hindi lang iyon, pati na rin ang mga taong nasa loob ng Donovan hacienda. Lahat sila ay may mabubuting puso at mahal na mahal nila ang mag-asawang Donovan.

Pati na ang tatlong anak nito na tinuturing nilang master bukod sa una nilang naging master na si Evel Donovan.

Mas lalong ginagalang nila ang asawa nitong si Venus Donovan. Dahil ang babaeng ito ay hindi kayang kagalitan o kamuhian ng kahit sino. Ang ugali nito ay hindi nalalayo kay Seraphina Laurier at sa sobrang bait nito ay mahal na mahal siya ng mga tao.

Kaya halos buong puso nilang pinaglilingkuran ang Donovan family. Dahil parang pamilya na rin ang turing nito sa kanila. Kahit na alam ni Venus na mahirap lamang sila ay hindi niya ito inaapi. Hindi tulad ng ibang mayayaman na kilala nila.

Lubos ang pasasalamat nila dahil sila ay napunta sa mabuting amo. Kahit nakakatakot ang mga ito lalo na ang anak nilang tatlo.

Hanggang sa bumukas ng kusa ang gate ng kanilang bahay. Alam na ng mga ito na parating na si Venus at Evel galing sa business trip sa France. 

Isang napakagandang bahay ang bubungad sa kanila. Ang bahay na ito ay hanggang 4th floor kaya kaylangan ng elevator para hindi mapagod. At ang laki ng bahay na ito ay hindi biro. Once na pumasok ka rito ay baka hindi kana makalabas sa sobrang laki.

Kahit si Seraphina ay hindi pa nagagawang libutin ito at kwarto lamang ni Devon ang alam niya. Inaakyat lang naman nila ito gamit ang hagdan. Dahil sa 2nd floor lang naman ito.

Ang pangalawang alam niya ay ang kusina at ang opisina ni Hadues na nasa first floor lang ng kanilang bahay.

Nang makarating si Venus at Evel sa loob ng Donovan hacienda ay agad din sila binati, "Welcome back, Master Evel and Madam Venus." At nagawa lamang tumungo ni Venus habang nasa likod ang kanyang asawa at alam na nilang hindi okay ang kanilang Madam.

Sa loob ng ilang taon ay kilala na nila ito kapag hindi ito okay, dahil ang mukha nito ay napakaseryoso. 

Kapag ito naman ay okay, talagang masayahin at bigla pa nilang naalala si Seraphina. Dahil hindi na-inform ni Butler Tom ang about sa dalaga. At natatakot itong pagalitan siya ng demonyo. Gusto niyang ito na ang magsabi mula sa kanyang mga magulang.

"Nandito ba si Devon?" wala sa mood na sabi ni Venus kay Butler Tom habang patungo ito sa kusina para uminom ng tubig.

"May emergency daw po Madam Venus, pero nandito naman si second young master," tugon nito habang nakatingin sa lamesa dahil nakakalat pa ang mga ginamit ni Seraphina.

Ang sahig ay may mga arina pa kaya napahawak na lang sa sintido si Butler Tom at isip-isip nito na mapapagalitan siya.

Mas lalong nawala sa mood si Venus ng makita niyang napakarumi ng kanilang kusina. Ngayon niya lang nakitang ganito ang kanilang kusina kaya agad siyang lumingon kay Butler Tom.

"Bakit ganito karumi ito? Pakitawag ang ilang mga katulong!" halos pasigaw na sabi ni Venus at napansin niya ang palapit na asawa.

"Venus, don't stress yourself," mahinahanong sabi ni Evel at kasunod no'n ang paglapit nang mga katulong para linisin ang mga kinalat ni Seraphina.

Hindi maiwasang maisip ni Butler Tom si Seraphina dahil nasa opisina ito ni Hadues. Pero dahil ang tagal nito mag-abot ng pagkain ay mukhang okay naman ito at hindi pinapagalitan ni Hadues. Wala naman siyang narinig na ingay sa loob ng opisina ng dumaan ito rito.

Hanggang sa paalis na sana si Venus at Evel sa kusina pero agad natigilan si Venus. Dahil kanina niya pa pala naaamoy ang mabangong cookies.

Katulad nito ang amoy na ginagawa ni Seraphina. Kaya pagtingin niya sa lamesa, ay napakaraming cookies na katulad na katulad ng ginagawa ng dalaga.

Si Venus ay hindi nag-atubiling kainin ang isang cookies. Bumilis ang tibok ng puso nito dahil parehas na parehas ang lasa at texture ng cookies.

Pati si Evel ay hindi makapaniwala sa kanyang nakikita kaya kinain niya rin ang isa nito. Alam niyang isang tao lang ang may gawa nito kung hindi si Seraphina.

Sa katabi nito ay nakita nila ang amoy ng kape na katulad ng ginagawa ni Seraphina sa tuwing sila ay nasa bahay ampunan.

Ang "milfee" ni Seraphina na amoy kape pero lasang gatas at halos mataranta si Venus nang matikman n'ya ang gatas sa baso.

"Butler Tom!" sigaw nito at ang mga naglilinis sa kusina ay natakot sa pagsigaw ni Venus at maging si Butler Tom ay napatakbo.

"M-madam," hinihingal na sabi nito.

"Did you make these?" tanong ni Venus at umiling lang si Butler Tom. Habang iniisip niyang mapapahamak ata siya ng dahil kay Seraphina. 

"Then who?" seryosong sabi ni Evel kasunod no'n ang masayahing pagsigaw ng isang boses kaya agad din sila napalingon sa dalaga.

"Tita Venus and Tito Evel!" sigaw ni Seraphina na ikinagulat din ng lahat.

Paano nakilala ni Seraphina ang dalawang taong kilalang-kilala sa mundo? Parang wala lamang dito ang pagsigaw niya dahil ayaw na ayaw pa naman nila ito lalo na ni Evel.

Samantalang si Hadues na may hawak na baso sa kanyang kaliwang kamay ay halos mabitawan niya na.

Nagulat ito sa pagsigaw ni Seraphina dahil siya na ang nagprotestang magdadala nang baso. Dahil gusto niya malaman kung paano ginagawa ni Seraphina ang milfee.

Pero dahil do'n nagulat din siya sa pagsigaw nito. Iniisip niyang paano niya nakilala ang mga magulang nito at nagawang batiin ng pasigaw?

Naiisip niya palang na wala nga si Devon sa bahay. Pero ang ama naman nilang si Evel ang nandito at ang kanilang inang si Venus, ay gusto niya ng bumalik sa kanyang kwarto.

"Oh my god! It's really you Era!" masayang sabi ni Venus sa dalaga at niyakap niya ito sa sobrang pag-aalala. Niyakap din ni Evel ang dalaga dahil talagang nag-alala rin ito ng malaman niyang umalis na si Seraphina sa bahay ampunan.

Kaya ang mood ni Venus ay biglang nagbago at naging masaya.

Hanggang sa hindi nila maisip kung sila ba ay namamalikmata ng dahil sa ngumingiti ang dalawa nilang amo sa dalagang 'to?

Si Hadues ay napaisip na rin na hindi talaga basta-basta ang kanyang future sister-in-law. Kahit ngayon palang sila nagkikita ay parang ang mga magulang nito ay pabor na agad sa kanya.

"Era, come here," tawag ni Venus at hinila nito ang dalaga papunta sa kanilang sala para umupo. Hindi nga nagkamali si Venus at Evel na ang cookies at milfee na nasa lamesa ay gawa ni Seraphina. 

"Era, hindi mo alam kung gaano kami nag-aalala sa iyo ng Tito Evel mo. Kaya nga ng malaman namin, umalis kami agad sa business trip sa France," malungkot na sabi ni Venus sa dalaga habang ang mukha nito ay gusto ng umiyak.

Nang marinig iyon ni Hadues ay halos malaglag na talaga ang panga niya sa kakanganga.

'Kaya pala ang bilis nila ngayon? Kinansela nila ang importanteng meeting para kay Seraphina?' isip ni Hadues at halos mapakamot na siya sa ulo. Dahil hindi niya alam kung ano nga ba talaga ang nangyayare. Simula pa kahapon ng dalhin ni Devon ang babae.

"Pagpasensyahan niyo na po ako, sadyang nahihiya na po ako sa kanila kaya umalis na ako," malungkot na sabi ng dalaga.

Ayaw na ayaw pa naman ni Venus makita na ganito ang itsura ni Seraphina. Dahil ang mukha niyang anghel ay tila ba parang may sakit kung titignan. Kaya agad hinawakan ni Venus ang mukha ni Seraphina at ngumiti.

"Hindi ba't sabi ko sa iyo no'n, bakit hindi ka na lang sumama sa amin?" sagot ni Venus at tumango lang ang dalaga. Hanggang sa pumasok sa isipan ni Evel kung paano napunta si Seraphina sa kanilang hacienda.

"Era? Paano ka napunta sa hacienda?" tanong ni Evel at ngayon lang din naisip ni Seraphina na kung hindi siya nagkakamali ay mga magulang ito ni Devon.

"Tito Evel? Tita Venus? Anak niyo po si Devon?" tanong ni Seraphina at nagawa lamang nilang magtinginan. Dahil binanggit niya ang anak nilang walang pakielam sa babae.

"Oo, Era anong problema?" tanong ni Venus pero ngumiti lang ang dalaga.

"Siya po ang nagdala sa akin dito sa hacienda, iniligtas niya po ako nung kinuha ako ng isang lalaki. At dinala sa isang lugar kung saan maraming lalaki at sabi nila may utang daw ito kaya hinuli," pagpapaliwanag ni Seraphina at napapikit na lang ang dalawang mag-asawa.

Hindi nila inaasahang mapupunta ang dalaga sa base na kung saan hindi naman iniisip ni Venus na pwede iyon mangyare.

Hindi pa rin maalis sa isip ni Evel kung sino iyon at gusto niyang malaman. Dahil ang utak ng kanilang anghel ay mababahidan pa ata ng ka-demonyohan na ayaw nilang mangyare.

_____

Ang mukha ni Finn Lucas ay hindi na maipinta dahil sa dami niyang dalang papel. Sumabay pa ang kanyang boss na hindi naman pala nakikinig sa meeting simula pa kanina.

Agad niyang pinunasan ang kanyang pawis at bumalik sa lugar kung saan nandoon ang kanyang boss.

Tahimik itong nag-iintay sa sasakyan dahil gustong-gusto na talaga nitong umuwi. Habang wala namang magawa si Finn kung hindi ang sumunod.

"Faster Finn, I want to go home," mahinahong sabi ni Devon habang nakatingin sa kanyang wallpaper.

Dahil nung hawak ni Seraphina ang kanyang cellphone ay hindi maiwasan ng dalaga na magselfie. Kaya ng makakita si Devon ng magandang kuha ng dalaga, ay agad niya itong ginawang wallpaper at lock screen.

Para sa kanya kahit na hindi niya katabi ang dalaga, at least meron pa rin itong picture sa kanya. Hanggang sa ilang minuto rin ang kanilang tinagal ng makarating sa Donovan hacienda. 

Pinagbuksan ni Finn si Devon hanggang sa makapasok sila sa loob ng bahay. Laking gulat ni Devon ng makita niya si Seraphina, kasama ang kanyang mga magulang.

Hindi ito nag-atubiling lapitan ang dalaga at hilahin mula sa pagkakaupo. Naisip nito na kahit pa magulang niya ang mga ito ay kaya niyang ipaglaban ng buo si Seraphina.

Ang mukha ni Venus ay biglang sumimangot nang makita nito ang itsura ng kanyang anak na si Devon. Parang pati siya ay gustong patayin nito dahil sa paghawak niya sa dalaga. 

Hindi naiwasan ni Venus tumayo sa pagkakaupo at hampasin sa braso ang kanyang anak, "Dudukutin ko yang mata mo kung tititigan mo ako ng gan'yan!" pasigaw na sabi nito at natatawa naman si Seraphina habang pinagmamasdang maigi ang dalawa.

Hindi nito alam na ang taong tumutulong sa kanya ay mga magulang pala ni Devon, "Mom! Can you please stop it," inis na sabi ni Devon sa kanyang ina at inawat naman ito ni Evel.

"Habang lumalaki kayo tumitigas ang ulo n'yo!" sigaw ni Venus at halos hindi maisip ni Devon ang ibig sabihin ng kanyang ina.

Pati na rin si Hadues na nasa gilid habang umiinom ng milfee ay biglang natigilan. Alam nitong pati siya ay madadamay sa galit ng kanilang ina.

Dahan-dahan siyang tumayo at gusto niya ng pumunta sa kanyang kwarto para magpahinga. Ngunit, hindi siya nakahakbang pa ng bigla niyang marinig ang pangalan niya.

"Isa ka pa Hadues! Mag-uusap tayo mamaya!" sigaw nito at napabuga na lamang siya sa hangin. Paniguradong sesermunan nanaman siya nito dahil hindi niya nagawang pumasok ngayon. 

Paano nga naman siya makakapasok kung ang kanyang iniidolong kapatid ay may mga pagbabago sa kanyang buhay. At ayaw niya itong palagpasin habang naiisip nito si Lucif. Paniguradong hindi niya pa alam ang about sa kapatid nila.

Hindi maipinta ang saya ni Hadues dahil ngayon ay siya ang panalo. Dahil mas may alam siya ngayon kesa kay Lucif.

"Devon, don't tell me? Era is your girlfriend?" tanong ni Evel sa anak at tumingin lang naman si Devon kay Seraphina.

"Nope, but I'm still counting her," proud na sabi ni Devon at tuwang-tuwa naman si Venus ng marinig niya ang sinabi ni Devon.

Hindi niya akalain na ang kanyang anak na walang hilig sa babae. Biglang naihipan ng hangin at naisipan ng manligaw.

"She's the girl that we're talking about in the orphanage," kwento ni Venus sa mga naririto sa loob ng bahay. Ang mga nakarinig sa sinabi nito ay napagtantong hindi talaga basta si Seraphina. 

Halos araw-araw nila naririnig ang babaeng tinutukoy ni Venus sa bahay ampunan. Kung gaano ito kabait at ngayon ay mukhang naniniwala sila. Dahil nung unang dalhin ni Devon ito sa bahay ay tila ba may kakaiba na sa dalaga. 

Biglang napaisip si Devon sa sinabi ng kanyang ina. Hindi niya akalain na ito ang babaeng tinutukoy niya halos sa pangaraw-araw. At hindi nila maiwasang mabingi kakabanggit sa isang babae sa bahay ampunan na kanilang pinupuntahan tuwing linggo.

Kaya naisip ni Devon kahit na palagi itong sinasabi ng kanyang ina ay hindi siya interesado.

Pero hindi n'ya naman alam na si Seraphina pala ang tinutukoy nito at kung alam niya man. Baka siya na mismo ang pumunta sa bahay ampunan para lagi itong bisitahin.

"Mom, let me talk to Era," seryosong saad ni Devon at tumango lang naman ang kanyang ina. Bago sila umakyat sa kwarto ni Devon at may inutos ito kay Butler Tom na i-akyat sa taas kasunod nila.

Ang ginawa niyang cookies kanina ay gusto niyang ipatikim kay Devon, pati na rin ang milfee nito. Nagdadasal siya na sana ay magustuhan ni Devon ang kanyang ginawa para sa kanya.

"I don't know that you know my mom and dad," saad ni Devon at kasunod no'n ang pagbukas nang pinto.

"Lady Era," tawag ni Butler Tom sa kanya at umalis din naman ito agad.

"Hindi ko rin naman alam na anak ka nila," pagpapaliwanag ni Seraphina at hinila niya ito at itinulak sa kama para mapa-upo.

"Ipapatikim ko pala itong cookies na ginawa ko kanina para sa iyo," nahihiyang sabi ni Seraphina at tumingin naman dito si Devon ng may pagkagulat.

Bakit naman siya nito ipinaggawa ng cookies? 

"These is for me?" hindi makapaniwalang sabi ni Devon at tumango lamang ang dalaga. Habang hinihintay niyang kainin ni Devon ang cookies pati ang ginawa nitong milfee.

Walang masabi si Devon dahil ang cookies na kanyang nakain ay napakasarap. Kahit ito ang unang beses niyang kumain ng cookies.

Wala naman siya hilig kumain ng ganito at naisip niyang hindi naman masama ang lasa at talagang masarap.

Baka dahil sa ang taong gusto niya ang gumawa kaya masarap? Pati na rin ang ginawa nitong milfee ay talagang nagustuhan ni Devon.

"It's good! And I thought it's coffee, but it's not," nakangiti si Devon sa dalaga at pinagmamasdan lang ito ni Seraphina habang pinapanood itong kumain.

Naisip ni Seraphina na gumawa ulit ng cookies kapag hindi na s'ya busy sa pagtulong sa hacienda. Plano nitong damihan para mabigyan niya rin ang iba.