CHAPTER 40: They are worried

Paglabas na paglabas ni Devon sa pinto ay may nakita itong babasagin na lamesa. Sa inis nito, bigla itong sinapok ni Devon at umalingawngaw sa buong basement. Nabasag ito at talagang kinilabutan ang mga nakakita sa kanilang boss. Ang kanyang kamay ay dumudugo, pero parang hindi naman ito nasaktan. Nakatingin lamang ito ng daretso at naglakad palayo. 

Pilit na pinipigilan ni Devon ang inis na kanyang nararamdaman. Ayaw kasi niyang mawala siya sa kontrol, lalo na nasa hospital ang kanyang asawa. Gustuhin man niyang siya ang gumawa no'n kay Melissa, hindi talaga niya maiwasan na maisip ang imahe ng asawa. Hindi siya mapakali simula ng lumabas pa lang ito sa pinto ng hospital. Hinihila ang katawan niya na h'wag umalis at mag-stay lamang sa loob. 

Kaya naman ng makalabas ito ay hindi na talaga mapakali. Ang kanyang ulo ay kanina pa tingin nang tingin sa ibang bagay. Dahil puro mukha ni Seraphina ang kanyang nakikita. Nang dahil sa pag-aalala nito sa kanyang asawa,