Control

SHANELLE

Napatalon ako nang hawiin ni Diane ang notebook niya mula sa pagbibigay ko sa kanya hanggang sa natapon ito sa sahig ng pasilyo kung nasaan kami. Noong napatingin ako sa notebook niyang binagsak niya ay doon niya kinuha ang buhok ko nang malakas kaya napaungol ako sa sakit.

"Are you playing with me?" aniya sa isang mariin at mataray na boses habang sinasabunot ako. "Ang sabi ko, sagutan mo lahat. Bakit iniwan mo ang reflection part ng assignment?!"

"Ah! M-Masakit, Diane!" sabi ko na lang habang sinusubukang hawiin ang kamay niya mula sa pagsabunot sa akin.

"E ang stupid mo kasi! Bakit hindi mo sinagutan ang reflection?!"

Dahil masakit na ang sabunot niya at nahihilo na ako sa paghihila niya ay nanginginig ko siyang sinagot.

"Opinionated n-naman kasi, Diane! Madali lang naman ang mga tanong, k-kaya hindi ko na sinagutan," rason ko. "Marami rin kasi akong g-ginawang assignments kagabi- Ah!"

Parang may namuong bukol sa lalamunan ko, kaya hindi agad ako nakapagsalita sa sakit ng