Chapter 12

Tatlong minuto na magmula ng huminto ang bridal car sa tapat ng simbahan. Nakaayos narin ang mga tao sa loob at naghihintay sa pagpasok ng bride.

Hindi parin makapag desisyon si Summer. Nag aalala siya, paano kung matuklasan ni Brent ang naging pag uusap nila ng lolo niya?

Sa huli ay sinunod niya ang kanyang puso. Saka na niya ipaliliwanag sa kanyang nobyo ang lahat. Ang mahalaga ngayon ay mabigyang kasiyahan lolo nito na may taning na ang buhay. Inakala tuloy ng kanyang magulang na ayaw niyang magpakasal pa.

Habang inihahatid siya ng magulang sa altar ay nagsimulang umiyak ang kanyang ina, kaya pinisil niya ang kamay nito na nakahawak sa kanya. Nginitian niya ng ubod tamis ang ina, gusto niyang ipaalam dito na wala itong dapat ipag alala. Na masaya siya sa panibagong yugto ng kanyang buhay.

Habang sa kabilang dulo naman ay naroroon ang mag lolo. Nakaupo sa wheelchair ang lolo ni Brent habang masayang nakatingin sa papalapit na si Summer. Masaya ang matandang Buenavista dahil bago si