Chapter 7

"Ms. Lira," 

Napalunok si Lira nang maramdaman ang kamay ng lalaki sa kaniyang balikat. Mabilis na umikot si Lira roon at itinutok ang payong sa lalaki. Mabilis namang nagtaaas ng parehong kamay ang lalaki at seryosong tumingin si Lira roon.

"Sino ka? Anong kailangan mo at bakit mo ko sinusundan?" tanong nito.

"Tauhan po ko ni Don Roberto. Gusto ko lang sabihin sa inyo na matagal na kayong pinapahanap ng amo ko. Kayong dalawa ng anak nyo. Gusto niyang bumalik kayong dalawa sa mansion," sagot nito.

Ibinaba ni Lira ang kanyang payong at mabilis na nag-iwas ng tingin mula roon. 

"Tahimik na ang buhay namin ni Janna. Isa pa may asawa na ang anak ko at magkakaroon na siya ng sarili niyang pamilya. Ayokong magulo pa ulit ang buhay namin dahil sigurado akong nasa paligid pa rin ang pumatay kay Anton at nagtangka sa buhay naming mag-ina,"

"Handa raw kayong protektahan ni Don Roberto. Mas magiging ligtas daw kayo ngayon sa puder nila lalo pa at ang anak ninyo ni Sir Anton ang magiging susunod na tagapagmana ng mga Guzman," 

Umiling si Lira mula roon bago muling nagsalita.

"Pakisabi kay Don Roberto na maraming salamat sa pag-aalala niya para sa amin. Pero sa ngayon ang desisyon ko ay dito lang kami ng anak ko. Walang makakaalam nang totoo na isa siyang Guzman. Ayokong malagay pa sa panganib ang buhay ng anak ko. Kaya kung pwede lang ay umalis ka na at huwag mo na kaming susundan," saad nito bago pumasok sa loob ng bahay.

Sa isang private island ay naghanda naman ng isang candlelight dinner si Francis para sa kanilang dalawa ni Carrie.

Kinuha ni Francis ang isang pulang kahon at ibinigay iyon kay Carrie. 

"What's this?" tanong ni Carrie at ngumiti si Francis doon.

"My gift, open it."

Nakangiting binuksan ni Carrie ang kahon at agad namangha nang makita ang isang mamahaling kwintas doon.

"For real? Wow!" 

Tumayo si Francis doon at kinuha ang kwintas bago naglakad papunta sa likuran ni Carrie upang isuot ang kwintas. 

"You like it?" tanong nito.

Hinawakan ni Carrie ang pendant at ngumiti.

"Of course, I even love it! Thanks babe!" aniya at binigyan siya nito ng isang mabilis na halik sa labi.

Bumalik sa kaniyang upuan si Francis at nag-umpisa silang kumain doon.

"I really can't wait for you to dump that woman,"

"Chill, Carrie. Once I get my inheritance, I will easily discard her. Good thing na I haven't touched her yet. Nothing will come out from us kaya wala siyang magiging habol." 

Ilang araw ang lumipas na magkasama si Carrie at Francis sa private island. They really did spend their time together on that island like a real couple. Walang kaalam-alam si Janna sa pagtataksil na nangyayari lalo pa at abala rin ito kasama ang kaniyang ina na si Lira at maging sa trabaho nito.

Kasalukuyan nagtatrabaho sa coffee shop si Janna nang biglang lumapit rito ang isang kasamahan nito.

"Janna, may naghahanap sa'yo," saad nito at agad lumingon si Janna roon.

Natanaw ni Janna si Francis mula roon na may dala na isang malaking bouquet ng mga tulips. Napangiti si Janna roon at agad na pinuntahan si Francis sa kinatatayuan nito.

"Hon! You're here! I miss you!" saad nito bago niyakap ang asawa.

Francis gave her the flowers while smiling, and she immediately accepted them.

"I miss you too, honey. Anyways, dito agad ako dumiretso after the client meeting. Nagpa-reserve ako ng dinner for us on your favorite restaurant. Ipapasundo kita mamaya sa driver, dumaan lang ako rito para ibigay sa'yo ito. Since kailangan ko pang bumalik sa office to finish some errands."

Tumango si Janna roon sa sinabi ni Francis at pakiramdam niya ay mahal na mahal siya ng asawa para puntahan kaagad matapos ang ilang araw na pag-alis nito.

"Sure, Hon. Uuwi ako agad para makapag-prepare." 

Ngumiti naman si Francis doon bago hinalikan si Janna.

"I'll see you later," aniya at nagpaalam na roon.

Bumalik si Janna dala ang mga bulaklak at halos magtilian ang mga kasama niya roon.

"Grabe, ang sweet ng asawa mo Janna."

"Oo nga, sana ganoon din mapangasawa ko! Gwapo na, mayaman at sobrang mapagmahal pa," ani naman ng isang babae.

Ngumiti lamang si Janna roon bago dinala ang mga bulaklak sa loob ng kanilang locker room. May mga ilang customers rin ang dumating kung kaya't bumalik na rin sila sa kanilang trabaho.

Sumapit ang gabi at dumating ang sasakyan at driver na pinadala ni Francis na susundo kay Janna. Sumakay si Janna roon at nagtungo ang mga ito sa isang kilalang hotel. 

Sinalubong si Janna roon ng isang bellboy at iginaya patungo sa kwartong pinareserba ni Francis. Habang naglalakad patungo sa hotel room ay lumabas si Carrie mula sa isang kwarto roon at naglakad patungo sa kaniyang direksyon.

"Carrie?" tawag ni Janna at bahagyang nagulat si Carrie roon.

"Janna! Hi!" pagbati ni Carrie.

"Anong ginagawa mo rito?" tanong ni Janna.

"Oh, my boyfriend and I are staying here. Lumabas lang ako to buy something outside. Ikaw?" nakangiting aniya.

"May dinner date kami ni Francis sa restaurant, mamaya baka nga nandoon na iyon e, mag-aayos lang siguro ako." sagot nito.

Tumango si Carrie roon bago tumingin sa bellboy at pabalik kay Janna. 

"Well, anyway, I have to go. Say Hi to Francis for me, okay?" aniya at naglakad na paalis doon.

Dumiretso naman sina Janna sa hotel room at katabi lamang iyon ng kwartong nilabasan ni Carrie kanina. Lingid sa kaalaman ni Janna na nasa loob ng kabilang kwartong iyon ang kaniyang asawa. 

Nag-ayos si Janna roon at siguro ay hindi na mawawala pa ang malaking ngiti sa kaniyang labi habang iniisip ang mga mangyayari sa gabing iyon.

Habang abala sa pag-aayos ay inihatid naman ni Francis si Carrie sa parking lot. 

"I'll see you again, next time." saad nito bago hinalikan si Carrie roon. 

Pumasok si Carrie sa loob ng sasakyan at muling tumingin kay Francis.

"I'll miss you," ani ni Carrie at ngumiti si Francis doon. 

Nagmaneho si Carrie paalis doon bago nagtungo si Francis papunta sa restaurant. Pagkarating ay agad niyang natanaw si Janna roon suot ang damit na pinili niya para rito. 

Ang kaniyang buhok ay nakataas at may kaunting make-up rin itong nilagay sa mukha. Kung tutuusin ay maganda si Janna. Singkit ang mga mata, matangos na ilong, mapulang labi at mala-porselanang kutis. 

"Hon," tawag ni Francis nang makalapit sa asawa.

"Hon!" masiglang tawag ni Janna nang makita ito. 

He kissed her cheek before letting her sit back on her chair. "Kanina ka pa?" tanong nito.

Umiling si Janna roon at naupo naman si Francis sa harapan.

"Kakarating ko lang," sagot ni Janna.

Tumango si Francis doon bago sinenyasan ang waiter para umorder. Dumating ang waiter para kuhanin ang mga orders nila matapos iyon ay umalis din ito.

"Anyways, nakita ko nga pala si Carrie kanina," saad ni Janna at agad na napatingin si Francis doon.