Chapter 12.2 - Friends

Mula sa kusina ay narinig kong muli ang pagbukas ng pinto sa labas. Narito pa rin ako sa shop dahil medyo matagal si Vernon at tinawagan ako kanina ni Tiya Lo para utusang i-check ang kusina kung may stock pa kami ng ga ingredients. 

Napailing ako at sinara na ang refrigerator bago nagpasyang lumabas na ng kusina. Hindi pa man nakakalabas ay naramdaman ko na ang muling pagkulo ng likido sa kwintas sa suot ko. Akala ko'y si Vern na ang pumasok, mali na naman ang hinala ko. Baka si Maeve na naman ito at pipilitin akong sumabay na sakaniya. Napairap na lang ako at lumabas na sa kusina. 

"Ano na naman ba 'yon, Maeve—" 

Literal na natigilan ako nang hindi si Maeve ang madatnan ko. Prenteng naka sandal sa isang haligi habang magka-krus ang mga kamay, ang naka ngising mukha ni Amion ang nakita ko. 

"Missed me, il mio amore?" wika nito. 

Napairap ako dahil ibang language ang sinabi niya at hindi