Chapter 25

Puro pasa ang mukha ni Azael ang dumungaw sa kwarto niya kinabukasan. Pero nakangiti pa rin ito na parang nanalo ng lotto habang siya ay nakakita ng anghel na siyang magbabalik sa kaniya sa Pinas! Agad niyang niyakap ang binata habang napaaray aray ito sa ginawa niya.

"Ibalik mo ako sa Pinas ngayon, please!" saad niya nang bumitaw siya sa pagkakayakap dito. 

"Bakit? Teka, wala ba rito si Cuhen? Muntik na kong patayin mapaamin lang ako tapos hindi pumunta rito? Gago 'yun ah!" Tumalon ito papasok sa kaniyang silid. 

"Andito siya kahapon pero umalis. Nasaktan ko at sinabi niya lahat. Mahal niya ako! Azael, mahal ako ng pinsan mo kaya iuwi mo na ako ngayon din at sasabihin ko rin sa kaniya na mahal ko siya!" 

Napailing-iling ito at walang ibang magawa kundi sundin ang kaniyang gusto. Kaya sa araw na iyon, pinahatid siya nito sa private plane habang nagpaiwan ito. Magpapagalin