Kabanata 42 - Camera

Isang malakas na suntok ang tumama sa mukha ni Gallagher nang maiahon siya ni Magnar sa ilalim ng tubig. Galit itong nagsisigaw sa mukha niya habang sinuntok ulit ang kaniyang mukha at niyugyog ang kaniyang balikat.

"Stupid! Are you trying to kill yourself?! Gago ka na ba talaga, ha, Gal? Tangina mo! Tangina mo talaga!"

Nagmulat siya ng mata at nakita niya si Magnar na galit na galit. Nakaupo na ito sa kaniyang tabi at basang-basa. Dahan-dahan siyang bumangon at napahawak sa kaniyang panga. Ngayon siya ulit nakatikim ng suntok mula sa kaibigan.

"Masakit," usal niya.

Napasinghot naman ito at binatukan siya. "Tangina mo Gallagher!"

"Nasaan ang pinapakuha ko sa'yong beer?"

"Wala ka ng stock ng beer sa ref mo. May magdadala rito maya-maya lang at darating."

Nagkibit siya ng balikat at pinunasan ang gilid ng labi. Nalasahan niya ang kaniyang sariling dugo na nagmula roon. Sa suntok marahil na binigay sa kaniya ni Magnar.

"Ano ba ang nasa isip mo?"

"I just wanna rest. Kahit isang gabi lang.