Chapter 50

Zeph Pov

Habang hinihintay ko na magpaliwanag sa akin ang matandang babae na tinulungan ko ngayon ay halos hindi na ako makahinga sobrang tindi ng antisipasyong nararamdaman ko. Sa wakas ay may taong nakakakilala sa akin ng tunay at makakasagot sa lahat ng aking mgs katanungan.

"Dahil tinulungan mo ako ay sasabihin ko sa'yo ang lahat, Zeph. Sasagutin ko ang iyong mga katanungan," sabi sa akin ng matanda.

"Kung ganoon ay umpisahan mo nang sagutin ang aking mga katanungan," hindi makapahintay na sagot ko sa kanya.

Huminga muna ng malalim ang matanda bago muling magsalita. "Una sa lahat ay gusto kong ipakilala sa'yo ang aking sarili, Zeph. Ako si Urusula, ang natitirang lahi ng mga mangkukulam sa mundo. Nag-iisa na lamang ako dahil nilipol na ng mga naunang alpha ang aking angkan. At kaya mo ako nakitang sugatan at nanghihina ay dahil pinagbabato ako ng taong-bayan nang lumabas ako sa gubat na pinagtaguan ko ng napakaraming mga taon," pagpapakilala niya sa akin ng kanyang sarili. "Anyway