Chapter 49

Zeph Pov

Nakarating sa akin ang balita na ikinulong daw ni Beta Keiver sa kanyang silid si Hillary matapos magkaroon ng pagtatalo ang dalawa. Hindi alam ng karamihan kung bakit sila nagtalo kaya naisip nilang may nagawa sigurong pagkakamali si Hillary na hindi nagustuhan ng kanyang ama kaya siya ikinulong sa kanyang silid bilang parusa. Ngunit sa tingin ko ang dahilan ng pagtatalo nila ay dahil kinompronta ni Hillary ang kanyang ama tungkol sa sinabi ko sa kanya. Siguro ay inamin ni Beta Keiver na may kinalaman ito kung bakit napunta kay Hillary ang moon tattoo na dapat ay nasa akin. Kailangan kong makausap si Hillary para malaman ko kung anong paraan ang ginamit ng kanyang ama at nagawang mailipat nito ang aking moon tattoo papunta sa kanyang katawan?

Tatlong araw ang lumipas matapos kong mabalitaan ang nangyari kay Hillary ay hindi sinasadyang nagkita kami sa daan habang naglalakad kami ni Duffy pabalik sa bahay ni Alpha Hunter. Namitas kasi kami ng mga bulaklak para maging dekorasy