Chapter 48

Hillary Pov

Pagdating ko sa bahay ay agad kong hinanap ang aking ama. Kailangan kong malaman ang totoo. Kailangan kong malaman kung may kinalaman ba ang aking ama sa paglabas ng moon tattoo sa aking noo. Gusto kong malaman kung ako ba talaga ang babaeng tinutukoy sa propesiya dahil baka umaasa lamang ako sa wala. Mahal ko Alpha Hunter at wala akong ibang ninanais kundi ang maging asawa niya. At kapag naging asawa ko na siya at gustong agawin ng aking ama ang pagiging alpha niya ay tutulungan ko siyang labanan ang ama ko. Dahil hindi ko hahayaan na mayroon mananakit sa kanya. Ngunit paano kung hindi naman pala ako ang babaeng tinutukoy ng propesiya? Hindi ko matatanggap sakaling ibabang babae ang nakatadhana na maging luna niya.

Sa nalalapit na kaarawan ni Alpha Hunter ay ibabalita na niya sa lahat kung sino ang kanyang magiging luna. Inaasahan ng lahat na si Ashley ang mapipili niya para maging luna dahil bukod-tanging siya lamang ang pinagtuunan niya ng pansin sa lahat ng mga babaeng