Chapter 58

Hunter Pov

Sa apat na sulok ng kulungang kinaroroonan ko ay maririnig ang aking mahihinang pagdaing at ang malakas na hagupit ng latigo na tumatama sa aking katawan habang ang aking dalawang kamay ay nakatali ng padipa. Sa tindi ng nararamdaman kong sakit ay halos nakaluhod na ako sa malamig na sahig ng kulungan. Ngunit walang awa pa rin akong hinahagupit ng latigo ni Beta Keiver na ngayon ay siya nang bagong alpha ng Golden Wolf Pack.

Halos anim na buwan na ang nakalilipas magmula nang lusubin ng mga kawal ni Keiver ang aking bahay at dinakip ako. Wala akong lakas para makipaglaban sa kanila kaya walang kahirap-hirap na nakuha niya ang aking bahay at ang pagiging alpha ng aming pack. Magmula kasi nang umalis si Zeph ay hindi na bumalik ang aking lakas. Tuwing gabi, pagsapit ng alasais ay umaatake ang matinding sakit ng katawan na una kong naramdaman nang gabi ng aking kaarawan kung kailan naman ako iniwan ni Zeph matapos niyang tanggihan ang aking pag-ibig sa harapan ng aking mga bi