Chapter 13: Bizarre Love Triangle

CASS

Nagtagis ang bagang ni Chad habang nakaupo sa shotgun seat at pabiling-biling ang ulo nang marahan sa sobrang panggigigil.

Hindi niya matanggap na kasama namin ngayon si Zeke na enjoy na enjoy sa pakikinig ng musika sa nakasalpak na earphones sa magkabila niyang tenga. Gumagalaw pa ang ulo nito na animo’y sumasabay sa ritmo ng pinakikinggang kanta.

“What a beautiful afternoon.” Halata sa boses ni Zeke na nagpaparinig siya sa aming dalawa ni Chad habang nakangiting aso at tutok na tutok pa rin sa cellphone.

“If I could just toss your ass out of the car.” Matigas na ani ni Chad habang panay ang hawak nang mahigpit sa seatbelt. Halatang gusto na niyang basagin ang bungo ng kapatid.

“This day is just great.” Muling sabi ni Zeke bago binitawan ang cellphone nya at sumandal sa upuan.

Mukhang wala talaga itong pakialam sa pambabanta ng kapatid at nagawa pang maging kalmado sa kabila nang matalim na titig ni Chad.

Panay ang tingin ko sa rear view mirror sa sobrang inis bago ko nili