Kabanata 10

Palaging naririnig ni Celeste ang mga usapan patungkol sa isang Primo Semion Lombardi noon tuwing dumadalo siya sa mga okasyon.

Ang lalaking iyon ang palaging bukang-bibig noon ng mga babae niyang kaibigan, na hindi naman niya masabayan dahil siya ay nakatali na kay Darson.

Bukod sa nanggaling sa napakarangyang pamilya ng lalaki na si Semion, ay tinataglay nito ang alindog na sinumang kababaihan ang mahahalina.

Kung kaya't batid ng lahat na iba't-ibang mga babae ang nakakasama nito sa kama gabi-gabi, ngunit wala pang ni isa ang nakitang kasa-kasama nito sa totoong buhay. Lumalabas na ito ay playboy at ginagawang plaything ang mga kababaihan na animo'y mga walang kuwentang laruan.

Nang marinig niya iyon sa isa niyang kaibigan na si Loren, na noo'y may karanasan na kay Semion, ay nawalan na kaagad siya ng gana na makinig. Dahil para sa kanya, ang mga lalaki ay dapat na magbigay ng respeto sa mga babae.

Mayroon na rin siya minsan na interaksyon sa lalaki kagaya ng simpleng pagbati at kas