Kabanata 9

“Teka lang, bakit bawal akong lumabas?” takang tanong ni Celeste nang isang linggo na siyang nakakulong sa mansyon ng estrangherong lalaking kanyang niligtas.

“Iyon ang ibinilin ni Diego bago siya umalis, kaya pasensya na at hindi ka namin maaaring pahintulutan na lumabas ng mansyon hanggat hindi siya bumabalik. Kung may kinakailangan kayo, pwede niyo ‘yong ipag-alam at ipag-utos sa amin.”

May paggalang man siyang kinausap ng lalaking guwardiya sa gate ng malaking mansyon ay puno ang boses niyon ng determinasyon na hindi siya papayagang makalabas.

“Hindi ko maintindihan.” nagsalubong ang mga kilay ni Celeste. “At least, bigyan niyo naman ako ng matinong rason kung bakit hindi ako puwedeng lumabas?”

Ang matipunong lalaki ay tumango. “Iyon ay dahil hindi pa gumigising si Boss. Hanggat hindi pa nakukumpleto ang imbestigasyon namin sa nangyari, hindi ka namin pwedeng pakawalan.”

“Sir, nasabi ko na lahat ng nangyari, kaya bakit sangkot parin ako?”

“Pasensya na talaga. May dahilan ba kung b