Kabanata 75

“I'm leaving.” tiim-bagang deklara ni Darson kay Semion bago pa lumalim ang tensyon sa pagitan nilang dalawa.

Masama ang timpla ng mukha ni Semion na napaasik habang pinapanood ang lalaki na halos kakapasok lang ay agad ding lumabas ng silid.

Mukhang pumunta lang talaga rito si Darson para asarin siya. Ngayon ay nagtagumpay nga si Darson na guluhin ang isipan niya. Dahil kahit bumalik na siya sa kanyang mga kaibigan ay naiwan parin ang mga bakas ng sinabi ni Darson sa isipan niya kanina.

Closure? Talagang naghahangad ito ng closure? ‘Kingina, mas makapal pa yata sa semento ang pagmumukha ng isang Darson Allegra.

“Oh? Bakit mukha kang nalugi? Natalo ka ng lalaking ‘yon?” natatawang tanong sa kanya ni Damiano.

“Tsk!!” hindi siya nakaalma. Lalo’t napagtatanto niya sa sarili kung gaano siya nanggigigil sa lalaking ‘yon ngayon.

Naglalaro parin sa isapan niya kung totoo ba talagang sinusubukan ni Darson na makipag-usap kay Celeste at ang hindi nito pagtugon sa lalaki. Nakakaramdam siya ng in