KABANATA 13.2( His Nightmare)

Nang matapos si Fred sa pag-aayos ng kanilang tutulugan ay pinapasok na sila nito upang makapagpahinga.

“Sir, ayos lang po ba sa inyo rito? Sabihin nyo lang po kung hindi kayo kumportable. Sige po, goodnight po sa inyo, ma’am Glayscent,” turan ni Fred bago umalis.

Maya-maya ay nagring ang cellphone ni Haniel at nakita n’yang gustong magvideo call ng kanyang lola. Pag sagot nya rito ay agad na bumungad ang malungkot na mukha ni Nigel.

“Nasaan po si mama ko?” tanong ng bata, agad naman n’yang ibinigay kay Glayscent ang cellphone upang magka-usap ang mag-ina.

“Hi, baby ko. Kumusta ka d’yan? Bakit ka sad?” napansin agad ni Glayscent ang maglungkot na mukha ng anak.

“Uwi ka na po, miss na kita eh. So sad na talaga ako, mama.” Halatang katatapos lamang umiyak ng anak nya dahil sa namamasa pa ang mata nito.

&