Chapter 23

"Miss, saan ka?" tanong ng konduktor ng driver ng bus sa kanya.

Alisto naman niyang sinabi kung saan ang tungo niya at tiniketan na siya nito. Nag abot siya ng bayad at sinuklian siya at saka lumipat sa ibang pasahero ng bus ang konduktor.

Madaling araw pa lang ng magpahatid siya sa kuya Danilo niya, hindi siya iniwan nito doon hangga't hindi pa nakakaalis ang bus sa terminal.

Hindi na nila ginising pa ang dalawang matanda ng umalis siya ng bahay. Alam naman na din ng mga ito ang pag alis niya dahil nakapagpaalaman na sila bago natulog.

Hindi naman siya nakatulog dahil marami siyang naiisip kagabi. Ang pagbyahe niya sa lugar nila Dailyn, ang tungkol kay Maynard at kasama na roon si Dave.

Huli niyang nakita ang lalaki nung dumalaw ito sa sementeryo na nagkataon na nandoon din sila at naalala niya pa kung paano siya na aya ng mommy ni Dave na sumama doon.

FLASHBACK

Magkasalo na nagtatanghalian sina Diana o Leslie at si misis Alarcon ng maalala nito ang manugang dahil sa ulam na nakahai