The Runaway Maid: Pregnant with the Billionaire's Baby

في منطقة شعبية في محافظة الإسكندرية تُعرف باسم "حارة الجن"، خاصة في الصباح الباكر.

استيقظ الجميع على أصوات طلقات نارية، فهلع كلٌّ من فراشه برعب.

هناك من أسرع بالنزول، وآخرون اصطفوا في شرفات شققهم، وآخرون تجنبوا الرؤية وأغلقوا نوافذهم، فمن غيره حمزة الجن القادر على فعل شيء كهذا؟

نقطة واستوب.

مين هو حمزة الجن؟

حمزة محمد أحمد الجارحي، خريج كلية الهندسة، عنده 29 سنة، ويمتلك شركة من أكبر شركات المعمار في البلد.

وشريكه في الشركة صديق عمره يحيى الجمال، وابن عمه أحمد الجارحي.

طويل، طوله حوالي 185 سم، شعره أسود بني، وعيونه عسلية برموش كثيفة، ملامحه شرقية حادة، وبشرته قمحية، جسمه رياضي ومنتظم على الرياضة يوميًا.

عودة للحارة.

وقف في منتصف الحارة لابس بنطال جينز وعليه قميص أسود، عيونه حمراء وأنفاسه عالية جدًا، ماسك فرد في إيده اليمين، وإيده الشمال ماسك شابًا من ياقة قميصه.

اتكلم بعدما اخرج صوت من حنجرته:

"اسمعوا كلكم... أوعوا تفتكروا إن البدلة والكرافتة غيرت حمزة الجن. اللي يفتكر الحارة ملهاش كبير يبقى بيكتب نهايته بإيده. وأنا طول ما أنا واقف هنا، محدش فيكم يمد إيده على بنت أو يظلم حد. واللي هيوصلني عنه شكوى... أقسم بالله هخليه يتمنى إنه ما اتولدش، وساعتها محدش هيقدر ينقذه مني."

ترك الشاب بعدما ألقاه أرضًا.

تحدث يحيى بصوت حاد:

= يلا يا أخويا، منك ليه؟ بيتك بيتك، العرض خلص.

ثم دخل خلف صديقه إلى البيت وهو يدق الباب بطريقته المعهودة:

= يا خالتو، يا خالتو، صباح!

تحدثت صباح من داخل المطبخ:

= خش يا واد يا يحيى، خلصتوا العرض؟ كل يوم إنت والتاني.

يحيى بعدما جلس على السفرة في المطبخ بجوارها:

= يا خالتي، والله الهيبة بتضيع يا خالتي، لو حد من الموظفين سمعك وإنتِ بتقولي يا واد، هيبقى شكلي إيه؟

كان بيتكلم وهو بيأكل ورق العنب.

صباح بخوف:

= بس يا ولد، بطنك هتوجعك يا واد، استنى أما أطيبه.

يحيى بعدما أخذ الطبق بيديه:

= لأ يا خالتي، أنا بحبه كده.

= بت يا آية، أخوكي غار على فين؟

آية بضحكة:

= على السطح يا يحييي.

يحيي بعدما صعد الي السطح:

جن إيه يا جن؟ كل يوم عركة. إيه يا عم؟

حمزة بهدوء:

= قابلت العميلة يا يحيى؟

يحيى وهو يحك رأسه بطريقة عشوائية:

= يلهوووي عليك، كل شغل!

كده يا عم؟ أيوه يا سيدي، قابلت البرنسيسة امبارح.

= وليّة ملزقة.

حمزة وهو بياخد نفس:

= يخربيت ألفاظك يا جدع.

المهم، خلصت معاها يعني؟ا

يحيي

=تعليمك يا ابني.

حمزة:

= طب يلا يا بكاش، عندنا شغل يا خويا.

يحيى وهو يضع يده على كتف حمزة:

= يلا يا كبير.

في مكان آخر مختلف كل الاختلاف عن صباح اليوم في تلك الحارة، خاصة داخل فيلا الحديدي.

كانت نايمة على السرير، حاطة وشها في المخدة، كاتمة صوت شهقاتها، ودموعها نازلة زي الشلال.

بعد مرور عدة دقائق، قامت بكسل متجهة ناحية حمام غرفتها.

وقفت قدام الحوض، ساندة بإيديها الاتنين على طرف الحوض.

بصت لنفسها في المراية، عيونها حمراء.

مكالمة تليفون واحدة ضيعت الحلم اللي كل بنت بتحلم بيه.

بمجرد ما بصت في المراية، غطت وشها بإيديها الاتنين ورجعت لحالة البكاء الهستيري.

قعدت على الأرض وهي ضامة نفسها، ساندة ضهرها على الباب.

بعد مرور عدة دقائق أخرى، دقات متتالية على باب الغرفة تبعها دخول أحدهم.

ثم دقات على باب الحمام، وبصوت أنثوي تحدثت امرأة في نهاية عقدها الخامس:

= آسية حبيبتي، إنتِ هنا؟

قامت سريعًا من خلف الباب، ثم تحدثت بعدما أجلت حنجرتها وبللت شفتيها، محاولة إخراج صوتها طبيعيًا قدر المستطاع:

= أيوه يا دادة، أنا في التواليت.

= طب يا حبيبتي، هاشم بيه مستنيكي على الفطار.

= ماشي يا دادة.

خرجت الدادة من الغرفة، مغلقة الباب خلفها.

تابعت آسية لبسها بعدما غسلت وجهها، متجنبة النظر لنفسها كي لا تعاود البكاء، ثم اتجهت إلى غرفة الملابس.

أخرجت فستانًا باللون الأسود، وعليه حذاء باللون الأبيض، ولمّت شعرها على هيئة كعكة.

خرجت من الغرفة، وبينما تنزل الدرج قابلت بنت عمتها.

أسيل وهي تتأبط ذراعها:

= صباحك نور يا قلبي.

آسية وهي تبتسم بخفة:

= صباح الخير يا عيوني.

أسيل وهي تتابع نزول الدرج:

= آه صحيح، عايزين نروح نجيب التحاليل قبل الجامعة.

آسية وقد سرت قشعريرة في جسدها بأكمله:

= آآ... أصلًا هما اتصلوا امبارح وقالوا كل التحاليل كويسة جدًا، الحمد لله.

أسيل وهي غير مهتمة:

= طب الحمد لله، مفيش داعي نجيبها. يلا، زمان الفطور برد.

= آه، يلا يا قلبي.

على طاولة الفطور:

كان يجلس على رأس الطاولة هاشم الحديدي، رجل أعمال كبير جدًا في السوق.

على يمينه زوجته ملك، وإلى جانبها ابنه فارس.

بينما على يساره أخته أمل، وبجانبها ابنتها أسيل، وإلى جانبها تجلس آسية تداعب الطعام بملعقتها، فلا نفس لها للأكل.

ملك بنبرة هادئة:

= مالك يا آسية؟ طبقك زي ما هو.

أمل بقلق:

= في حاجة يا حبيبتي؟

آسية وهي تهز رأسها:

= لأ يا ماما، بس ماليش نفس للأكل.

هاشم بحنان:

= بس يا قلب أبوكي، إنتِ ماكلتيش من امبارح.

آسية بعدما قبضت على طرف الكرسي بيديها محاولة عدم البكاء والركض إلى حضن والدها:

= مش عارفة يا بابي، بس أنا أكلت مع البنات بره امبارح.

أسيل:

= خلاص يا جماعة، أنا هأكلها، متخافوش. دي معايا برضو، دانا إيد أمينة.

أمل:

= والله أنا ما خايفة غير منك إنتِ.

ضحك الجميع واندمجوا في أحاديث أخرى.

في محطة القطار:

نزلت من القطار بينما تحمل في يدها حقيبة ليست بالكبيرة.

= أوف بقى، ما تحاسب يا جدع! الله، براحة، هي الدنيا هتطير؟

الرجل:

= يلهوي! إيه المصورة المفتحة دي؟

= أنا مصورة يا جدع إنت.

الرجل، حاسس إنها واحدة مجنونة، سابها ومشي.

وقفت سيارة أجرة، فأعطته ورقة فيها عنوان.

= اطلع يا أسطى على العنوان ده.

بعد مرور نصف ساعة وصلت.

أخيرًا نزلت بعدما دفعت له الأجرة.

أول ما نزلت من التاكسي كان في يافطة مكتوب عليها "حارة الجن".

افتكرت كلام عمتها عن الحارة، فبسرعة لبست عباية وحطت على وشها نقاب.

واتجهت ناحية سيدة قاعدة قدام بابها.

= لو سمحتي يا خالتي، فين بيت أم حنان؟

= وإنتِ مين يا أختي؟

= هو تحقيق يا خالة؟ فين بيت أم حنان؟

الست:

= خلاص يا أختي، جنب بيت ابن الجمال، قدام بيت الجن.

= لأ والله، على أساس إني أعرف الناس دي منين؟

= خلاص يا بنتي، هما البيتين دول مميزين في الحارة ومكتوب عليهم أساميهم، وبيت أم حنان جنب بيت ابن الجمال.

= طب تسلمي يا خالة.

دخلت الحارة، وفعلاً البيتين دول مختلفين كل الاختلاف عن الباقي في الشكل والمساحة، والجنينة اللي حوالين كل واحد فيهم.

دقت الباب، وفتحت لها عمتها.

واللي أول ما شافتها قالت:

= إنتِ مين يا ست إنتِ؟

رفعت النقاب، وابتسامة كبيرة على وشها، وارتمت في حضن عمتها.

= حبيبتي يا سوسو، واحشاني مووووت.

= بنت الغالي، واحشاني يا بت.

بعدها دخلتها وقفلت الباب.

سامية بقلق:

= حد شافك وإنتِ جاية؟

= لأ يا عمتو، محدش حتى لمحني.

= طب الحمد لله إن محدش شافك يا بنتي.

= آه يا عمتو، هو إيه الجن ده؟ أنا خفت.

= اسكتي يا بنتي، الحيطان ليها ودان.

كانت بتتكلم وهي تقفل الشباك وباب البلكونة.

= يا عمتو، الجو حر، سيبي الشباك.

= لأ يا بتي، البيت قصاد بيت الجن، أحسن يشوفك ويسأل عليكي، إحنا مش ناقصين.

= والله يا عمتو إنتِ حرة، أومال فين المطبخ؟