Chapter 32

The Scandal | Chapter 32

THE REUNION

___

"DITO KAYO UMUPO, YVONNE."

Hinila si Yvonne nang mommy ni Leonardo. Mabuti na lang at dalawa ang pagitan at hindi niya tuluyang nakatabi si Leonardo. Pinakilala ng daddy nito ang mga hindi pamilyar sa kaniyang mukha. Ngumiti naman siya rito nang ngumiti ito sa kanila.

"Upo. Upo kayo. Nandiyan na pala mga pagkain natin. Masasarap iyan. Para talaga sa inyo."

Napatingin siya sa mga nakahain sa harap nila. Halos seafood ang lahat; kabilang na ang malalaking hipon at sa tingin pa lang mukhang masarap at mataba ng alimango.

Inalalayan siyang makaupo ni Archie nang ipaghila siya nito ng upuan.

"B-Bro," anito kay Leonardo.

Tumango lang ang huli. Hindi man lang ito nagtaas ng tingin sa kanilang dalawa.

"Hipon or crab?" tanong sa kaniya ni Archie.

Napatingin siya rito. Sa pagkakataong iyon nagtama ang mga tingin nila ni Leonardo.

"H-Hipon na lang," aniya.

Umiwas siya nang tingin dito nang maramdamang nakatingin pa rin ito sa gawi n