Kabanata 06: Inggit Ka Ba?

“Oorder ka pa ng pagkain?”

Chef ba niya ito?!

Awkward na kinamot ni Silver ang likod ng kanyang ulo, sasabihin na sana niyang “wag na lang,” pero nakalakad na ang lalaki patungo sa kusina habang bumubulong ng isang salita.

"Wait,” rinig niyang wika nito. Hindi naman naiinip ang tono nito.

Pumasok si Lucian sa kusina at mabilis na naglabas ng dalawang sandwiches at isang baso ng maligamgam na gatas.

—

MATAPOS kumain at uminom, kinuha na ni Silver ang kanyang bag.

“Ngayon po talaga kailangan ko nang umalis. Salamat sa pagpapakain, Mr. Mercadejas.”

Binitbit niya ang kanyang bag patungo sa p***o.

Narinig niya ang mga yapak sa kanyang likuran. Si Lucian pala, na pinupulot ang mga susi ng kotse at sumusunod sa kanya.

Nagpalit ng sapatos ang binata sa may p***o. “Mahirap kumuha ng taxi rito, ihahatid na kita.”

“H’wag na po, nakakahiya naman.”

Hindi pinansin ni Lucian ang kanyang sinabi at naunang lumabas ng p***o.

Pagkababa sa hagdan, naglakad ito patungo sa Maybach. Hindi muna ito sumakay, kundi pumunta sa passenger side at pinagbuksan siya ng p***o.

Kahit na marriage of convenience lang ito, ang pagiging gentleman at maalalahanin ni Lucian ay nagustuhan ni Silver.

Lumapit siya at sumakay sa kotse.

Bahagyang yumuko ang binata palapit sa kanya, at muling humalimuyak ang amoy ng ebony scent na tuluyang bumalot sa kanya.

Medyo nanigas ang kanyang mga kalamnan, ang likod ay mariing nakasandal sa leather na upuan habang hinahayaan ang lalaki na hilahin ang seatbelt at isuot ito.

Sa isang sandali, halos magkadikit ang mukha nila ni Lucian. Ang matangos nitong ilong ay bahagyang dumampi sa dulo ng kanyang maliit na ilong.

‘Click—’

Naka-lock na ang seatbelt.

Lumingon ang lalaki at binigyan siya ng isang mapang-akit na ngiti.

Sinasadya man o hindi, lahat ng kilos nito ay nagpapakita ng tahasang pang-aakit.

It has to be said, this man was a master at flirting.

Mayroon na nga itong napakagwapong mukha at mapang-akit na mga peach blossom eyes; isang sulyap pa lang nito ay sapat na para bumilis ang tibok ng puso ni Silver.

Nang tumakbo na ang kotse nang ilang sandali, sa wakas ay kumalma na rin ang tibok ng kanyang puso.

“Mr. Mercadejas, wala akong dowry. Para patas, hindi mo na kailangang maghanda ng bride price.”

Naalala ni Silver ang mahalagang bagay na ito at binanggit ito nang madalian.

Ang kanyang dowry ay na-invest na sa Ocean Heart noong nakaraang taon, kaya malabong maghanda ang pamilya Jimenez ng pera para sa kanya.

Sumulyap lang sa kanya ang binata, makahulugang ngumiti, at nagpatuloy sa pagmamaneho. “I don’t mind. Whatever you say.”

Hindi nagtagal, nakarating na ang kotse sa mansion ng mga Jimenez.

Nagpasalamat si Silver kay Lucian at bumaba ng kotse.

SI CASPIAN, na nasa tapat ng bintana ng kanyang kwarto sa ikalawang palapag, ay nagkataong nakita ang eksenang ito.

Mabilis niyang hinila si Blair palapit. “Blair, tingnan mo kung kanino ang kotse na 'yan?”

“Mukhang kay Lucian Mercadejas 'yan,” nag-aalalang sagot ng dalaga.

Mula sa malayo, ang logo ng Mercedes-Benz sa harap ng kotse ay nagpapatunay na ito ay isang Maybach.

“Nakita kong bumaba si Silver sa kotseng 'yan.” Nakaramdam ng hindi magandang kutob si Caspian. “Blair, hindi ba't sinabi mo na hindi seseryosohin ni Lucian si Silver?”

“Bakit, hindi ka ba masaya na umuwi si Silver sakay ng kotse ng ibang lalaki?” Napuno ng selos si Blair, at itinulak siya palayo. “Kung nagsisisi ka na, hindi pa huli ang lahat para umatras.”

Hearing her coquettish voice, Caspian’s bones softened, and he pulled the woman into his arms. “Saan mo naman nakita na nagsisisi ako? Ayoko lang na mapalapit si Silver kay Lucian.”

“Hindi ba't sinabi ko na sa'yo, nagpapanggap lang ang mga Mercadejas? Kahit magpakasal pa talaga si Silver kay Lucian, anong magbabago? Sa kakayahan niya, kaya ba niyang kontrolin ang playboy na 'yun?”

Hinalikan ito ni Caspian sa pisngi. “You’re right.”

“Ugh~ Wag mo nga akong halikan~”

“Isang halik lang naman.”

“Maliligo na ako.”

“Sabay tayo?”

Inirapan siya ni Blair at tinulak palayo. “Umalis ka nga rito, maliligo ako ng mabango. At saka, nakaligo ka na.”

“Sige, hihintayin na lang kita sa kama.”

“Good. Sige na. Warm the bed for me.”

“Opo, mahal na prinsesa.”

Tumalon si Caspian sa malaking kama, nagtalukbong ng kumot, at pinanood si Blair na pumasok sa banyo.

Nang marinig ang tunog ng tubig mula sa loob, mabilis siyang bumangon at lumabas ng kwarto.

UMAKYAT si Silver sa ikalawang palapag at nakasalubong si Caspian sa hallway. Hinarangan ng binata ang kanyang daan na parang pader.

“Umalis ka sa daan ko.”

“Sino ang naghatid sa'yo?”

“Ang asawa ko.”

Tumawa nang mapang-uyam si Caspian. “Sino ang asawa mo?”

“Si Lucian Mercadejas.”

“Silver, kumakalat ang chismis na magtatanan daw tayo. Sa tingin mo ba rerespetuhin ka ni Lucian kapag pumasok ka sa pamilya Mercadejas?”

“Ano namang pakialam mo?”

“Isang certified playboy si Lucian na maraming babaeng nakapaligid sa kanya. Hindi ka ba nadidiri sa ganitong klaseng lalaki?”

“Kahit madumi pa siya, basta mayaman, 'yun lang ang mahalaga.”Malamig na tiningnan ni Silver ang binata sa kanyang harap. “Puwede kang magpakasal sa isang mayaman at magandang babae, pero ako, hindi pwedeng magpakasal sa mayaman at gwapong lalaki? Caspian, h’wag kang mapagkunwari.”

Matapos sabihin iyon, sinubukan niyang lampasan si Caspian, ngunit hinawakan nito ang kanyang pulso.

Parang nakahawak sa isang bagay na nakakadiri, mabilis niyang binawi ang kanyang kamay, kumuha ng wet wipe mula sa kanyang bag, at sunod-sunod na pinunasan ang pulso kung saan siya hinawakan ni Caspian.

Dahil sa kanyang inasal, nagalit ito. “Anong ginagawa mo?”

“Disgusting.”

“Silver!”

“Mas marumi ka pa kay Lucian.”

Habang sila pa ay nakikipag-flirt na ito kay Blair, niloloko siya habang kasabay na s********p sa kanyang step-sister. Isang two-timer! Sa tuwing naiisip niya iyon ay nasusuka siya.

“Hindi naman kita hinawakan nang ganoon. Dapat ka ngang magpasalamat na hindi kita pinatulan.” Mapang-uyam na tiningnan ni Caspian si Silver mula ulo hanggang paa, puno ng pandidiri at galit ang mga mata. “Tingnan mo nga ang sarili mo, walang dibdib, walang puwet, palaging walang makeup, walang pakialam sa image. Parang kang tuod, walang ka-charm-charm. Tatlong taon tayong magkasama, pero kahit katiting na interes ay wala akong naramdaman sa'yo. At saka, sa isang playboy na tulad ni Lucian, ang pagpapakasal sa kanya ay para ka lang itinapong kabit.”

Gusto nga ni Silver na mawalan ng interes sa kanya si Lucian.

"Your only act of kindness is not touching me. Thank you for not touching me,” she said.

Nilampasan niya si Caspian patungo sa kanyang kwarto.

Naiwang tulala ang binata habang nakatingin sa kanyang papaalis na pigura. Ang isiping bumaba si Silver mula sa kotse ni Lucian ay nagdulot dito ng hindi maipaliwanag na inis.

Pagkpasok sa kanyang kwarto, itinapon ni Silver ang kanyang bag, dumiretso sa kanyang desk, binuksan ang computer, at nagsimulang gumawa ng draft para sa marriage of convenience agreement.

Matapos magawa, mabilis siyang nag-ayos sa banyo, humiga sa malambot na kama, at mahimbing na nakatulog.

The next morning, sariwa ang kanyang pakiramdam, at hindi tulad ng dati, naglagay siya ng simpleng makeup. Nagsuot siya ng isang black fitted long dress, isinabit ang isang eleganteng coat sa kanyang braso, at bumaba bitbit ang kanyang bag.

Sa dining room, isinabit niya ang kanyang coat at bag sa likod ng upuan, humila ng upuan, at tahimik na kumain ng agahan.

Paminsan-minsan ay sumusulyap si Caspian sa kanya, napansin ang kanyang makeup at nakitang napakaganda pala nito.

May magandang hubog ng mukha si Silver, at sa tulong ng kaunting makeup, lalong naging kaakit-akit ang kanyang mga features.

May tangkad siyang 5’5ft, na ituturing na matangkad para sa isang babae. Bihira siyang magsuot ng palda, palaging mas gusto ang komportableng kasuotan, at kadalasang maluluwag ang kanyang mga damit.

Ito ang unang pagkakataon na nakita siya ni Caspian sa ganitong klaseng hapit na damit, na nagpatingkad sa kanyang hubog-kandila na katawan, na nagpapakita ng magandang S-curve.

Hindi pinansin ni Silver ang mga sulyap nito. Tinapos niya na lang ang pagkain, isinuot ang coat, kinuha ang bag, at naghandang umalis.

Agad na sumunod sa kanya si Caspian palabas ng dining area.

“Kung makapagbihis ka nang ganyan ka-seksi, may balak ka bang akitin si Lucian?”

Maasim at matalim ang tono nito.

Isinuot ni Silver ang kanyang high heels sa p***o, malamig ang kanyang tono, “Bakit parang ang asim mo? Naiinggit ka ba sa yaman ng asawa ko?”