Chapter 7

THE MOTHER AND SON WERE THE SAME. The more angelic their faces are, the worse their personalities are!

Habang lulan ng pulang Maserati ay tahimik na humikbi si Alexa.

Oo, hindi niya pangarap maging titser at ang pagkagusto sa propesyong ito ay nakuha niya lang sa kuya at mga magulang niya. Gano'n pa man, masaya siya sa propesyon at alam niyang para ito sa kanya.

Sa nagdaang oras nang pagmamaneho, ay wala naman tigil si Gavin sa pagsilip sa amo mula sa rear view mirror. Paghinto niya ng kotse sa tapat ng bahay ng amo ay mabilis niyang hinagilap ang tissue at iniabot dito.

Pinunasan ni Alexa ang luha at pilit naglagay ng ngiti sa labi habang pinanood mula sa tinted window ng kotse ang masayang mukha ng nanay at tatay niya.

Sa saglit na panahon ay na-miss niya ng labis ang pamilya. Siguro dahil mula pagkabata ay ito palang ang unang beses na nawalay siya sa mga ito o siguro dahil malungkot siya ngayon.

"Mama, Papa!" Patakbong yumakap si Alexa sa mga magulang. Nangilid ang luha sa mga mata ng nanay at tatay niya habang may ngiti sa mga labi.

Sa kabilang banda ay humigpit ng todo ang yakap ni Alexa sa nanay at nagsimulang humikbi sa mga bisig nito.

"Princess, bakit ka umiiyak?" May pag-aalalang tanong ni Alison na mas hinigpitan pa ang yakap sa anak.

"M - Miss na miss ko lang po kayo, Ma." Hikbi niya.

"Baby, miss na miss ka rin namin." Naiiyak na turan ni Xandro na hinalikan sa noo ang anak.

"Nasaan po pala si kuya?" Usal niya habang nakasubsob pa rin sa dibdib ng nanay.

"Naku, nasa seminar siya, eh. Pero may mga regalo siya diyan para sayo at sa asawa mo. Sabi niya babawi daw siya sa susunod na uwe mo."

"Halika na at pumasok na tayo, nagluto ang mama mo ng mga paborito mo," ani Xandro pagkatapos ay binalingan ng tingin ang bodyguard ni Alexa na animo'y higanteng nakatayo sa gilid ng sasakyan.

"Hijo, halika na rin para makakain na tayo," pag-aya nito. "Ano nga ang pangalan mo, hijo?" Tanong pa nito habang inilahad ang palad sa bodyguard.

"Gavin Santillan, ho sir." Maagap naman tinanggap ng lalaki ang nakalahad na palad ni Xandro.

Pagkatapos makipagkamay ay inakbayan ni Xandro sina Alexa at Alison. Iginaya sila nito papasok ng bahay habang nahihiyang naglakad kasunod nila ang bodyguard.

Sa loob ng bahay ay masaya silang nagkamustahan. Pansin ang galak kay Alison pagkita sa pustura ng anak. Yong pusturang madalas sa TV lang nakikita. Mamahaling damit, sapatos, at alahas. Idagdag pa na may kotse at driver na ito ngayon gayong noon ay ni wala itong kotse. Nagkakasya ang pamilya nila sa motorsiklo at lumang kotse ng padre de pamilya nila.

Hindi materialistic ang pamilya nila, ordinaryo pero hindi kinakapos. Ang three-bedroom bungalow nilang bahay ay nasa loob din naman ng subdivision. Malayo ang buhay nila kumpara sa mga Dior; gano'n pa man ay kuntento at masaya sila.

Magalang, edukada, at may delikadesa ang anak kaya naniniwala siyang karapat dapat ito mahalin at tratuhin tulad ng dyamante tulad kung paano nila ito pinalaki. Kaya ngayong nasilayan niya ito na animo'y buhay prinsesa ay sobrang pasalamat at saya niya.

Nakausap din ni Alexa ang tatay niya ng sarilinan. Dito nalaman niya na tinakbuhan ng construction firm ang proyekto nito para sa school, matapos makuha ang pera na milyon-milyon ang halaga. Donasyon ito mula sa kompanya ng pamilya Dior.

Ayon din kay Xandro ay malaki ang utang na loob niya sa manugang sa pagtulong nito sa kanya.

Everything is planned, and shit!

How can she tell her father that his son-in-law, whom they all praise as an angel, was actually the monster who trapped him alive? To be a tool to use in manipulating her, his only daughter!

Bago umalis ay malungkot na iniabot ni Alexa ang resignation letter niya sa mga magulang.

"Sigurado kaba na ayaw mo nang magturo? Pero masaya ka sa pagtuturo, hindi ba?" Malungkot na tanong ng tatay niya.

Si Xandro, tulad ng asawa ay simple lang manamit. Pareho silang naka-salamin kahit kita na bata pa sa itim pang mga buhok. Hindi uso sa pamilya nila ang luxury brands, kaya halos atakihin ito sa puso sa dami at puro luxury items na regalo ng pamilya Dior nang mamanhikan.

"Papa, hindi sa ayaw ko nang magturo, gusto ko, gustung-gusto ko. Pero gusto kasi ng biyenan ko na mag-focus muna ako on becoming a perfect wife for Sebastian."

"Pero masaya kaba, anak?"

Hindi maiwasan matigilan ni Alexa sa tanong ng nanay. Pumatak ang butil-butil niyang luha. Yumuko siya at suminghot, tapos pinunas ng mga palad ang luha, tsaka iniangat ang ulo para harapin ang nanay at tatay.

Sa tanda niya ay ikatlong beses na itong itinanong ng nanay sa kanya. Nang una ang sagot niya ay, "Ang kasal na ito ang kukumpleto sa kaligayahan ko." Pangalawa ay, "Opo, masayang-masaya po ako." Pero ngayon hindi niya alam ang isasagot, pero kung meron man sigurado ay . . .

"Don't worry, Mama, Papa. Pinili ko ito at pangako ko sa inyo na magiging masaya ako. Because I deserved to have my happy ending, like you guys did!"

Gabi na nang makauwi ng mansyon sila Alexa. Bago bumaba ng kotse ay matiim niyang tinitigan si Gavin, bukas-bukas nito ang pintuan ng sasakyan para sa kanya.

Kahit may kadiliman ay kita pa rin ang features ng mukha ng lalaki. Kanina sa hapagkainan ay nalaman niya na ka-edaran niya lang ito sa edad na twenty-six habang twenty-four naman siya. Tulad ng ibang bodyguards sa mansyon ay malaking lalaki ito, six footer. Siguro nga ay hindi ito kasing-guwapo ng asawa, pero ang hitsura nito ay hindi nakakasawa tingnan. May talim ang features ng mukha nito na iisipin mong snob kung hindi siya nakangiti.

"Gavin, does Katelyn send you? What is your role here?"

Inosente, pero hindi tanga si Alexa.

Kitang natigilan ang lalaki. Saglit itong tumingin sa mata ni Alexa, tapos ay yumuko.

Tumawa ng pagak si Alexa. Rinig ang pait sa tawa niya. "I envy Katelyn; she has my husband on her side and even you. You worked for me, but you aren't my person."

Tahimik na tinahak ng mga paa ni Alexa ang daan papunta sa pangunahing pinto. Pinili niyang bumaba pagkapasok ng sasakyan sa vicinity ng pamilya Dior. Medyo malayo pa ito sa mismong mansyon, pero nais niya kasing maglakad-lakad tulad ng kinasanayan niya noon.

Ninamnam niya ang lamig ng hangin ng gabi, habang naaamoy ang halimuyak ng mga bulaklak. Ang kabilaan kasi ng daan ay napaliligiran ng mababang hardin ng mga bulaklak.

Ilang hakbang pa ang layo mula sa pangunahing pinto ay natanaw na niya ang nagbabagang apoy. Malapit dun ay nakatayo ang biyenan kasama ang ilang katulong. May mga bagay silang sinusunog. Mga bagay . . .

Nagimbal si Alexa nang makita kung ano ang sinunog ng biyenan ng dis-oras ng gabi. Ang maleta niya! Ang mga gamit niya!

"Mama! Mama!" Sigaw niya habang humahangos nang takbo malapit sa biyenan. Pero pagharap ng biyenan sa kanya . . .

PAK!!

Isang malutong na sampal ang iginawad nito sa kanya. Sa sobrang lakas ng sampal ay bumagsak si Alexa; mabuti na lang ay nasa likuran na niya si Gavin.

Gulat

Lito

Takot

Halo-halong emosyon naramdaman ni Alexa. Sa unang pagkakataon sa buhay niya ay nasampal siya, sinaktan siya hindi ng magulang kundi ng biyenan!

Hindi niya alam kung iiyak siya dahil sa sobrang sakit ng sampal o iiyak dahil nakikita niya ngayon ang pagka-abo ng mga gamit na binili niya gamit ang sariling pera na pinagpaguran.

"How could you lie to us like your husband, Alexa? "Did you think I wouldn't find out what really happened on your honeymoon?" Animo'y nagliliyab ang mga mata ng biyenan sa puyos ng galit.

Sunod-sunod pumatak ang luha ni Alexa habang sapo-sapo ang pisngi at nakasalampak sa sahig. "Sorry po, Mama. Nawalan lang po ako ng choice. I didn't mean to lie."

Yumuko si Mikaela, pantay sa mga mata ng manugang, madiin na hinawakan ang baba nito.

"Alexa, put this in your mind. In this family, I am the person who will be on your side, so you should always listen to me, and you should NEVER make a fool out of me!"

"I'm sorry, Mama. I'm sorry . . ." Naliligo na ng luha si Alexa. Mga luha na bumasa na rin sa taas na parte ng damit niya.

"So never forget your role, Alexa. Ang role mo ay nakawin ang asawa mo sa MALANDING ULUPONG NA YON!"

Realization hit her—they know everything, and that's why they married him to her!

Nakawin?

Sa narinig ay hindi maalis manginig ang kaloob-looban ni Alexa.

"Pero bakit? "Bakit ko kailangan nakawin ang dapat akin?"

Iginalaw ni Mikaela ang mukha ng manugang papunta sa direksyon ng hardin niya. "Nakikita mo ba kung gaano kaganda ang hardin kong yan?"

"Kung gaano yan kaganda, doble-doble ang dami ng putik na kinailangan kong hugasin sa palad ko!"

"Ito ang mundo ng Dior, Alexa. Pinili mo'to, so you should live with it!”