CHAPTER 19: Ex Textmate

"Kim alam mo bang yung textmate mo noon na number na binigay ko sayo na sabi ko binigay ng boyfriend ko eh kay Marc pala!" Biglang nasamid si Kim na panay ang ubo sa sinabi ni Leslie habang kumakain sila sa canteen. Panay ang pukpok ni Leslie sa likod niya. Ininom niya ang tubig na nasa baso.

"Ano? Si Sir Marc? Yung textmate ko nung college tayo, si Marvin!" Bulalas niya. Naitakip niya ang kamay sa bibig nang mapansing napatingin sa kanya ang mga nasa kalapit sa lakas ng boses niya. Masyado siyang nagimbal sa nalaman.

"Oo, eh kagabi ko lang din nalaman sinabi sakin ni Dexter. Nung iabot niya kasi sakin dati yung papel na may number, ang sabi niya sa kaibigan daw niya. Hindi na ko nagtanong kung sino sa kaibigan niya. Inisip ko isa sa classmate niya sa criminology."

"Oh my gosh si Marvin, si Sir Marc." Nasambit uli niya. Naalala niya yung mga usapan nila noon ni Marc. Tandang tanda pa niya yung mga binitiwang salita nila sa isa't isa sa text. Napaka sweet ni Marc noon sa text at aliw