CHAPTER 46: Soon be together

Habang kumakain ay nagulat si Kim nang ilapit ni Aries ang kutsara sa bibig niya.

"Take it.. para makita niya." Sambit ni Aries.

Tinanggap naman iyon ni Kim. May ilang beses pa yun inulit ni Aries. Hindi alam ni Kim kung ginagawa ba yun ni Aries para tulungan siya o dahil sa sariling kagustuhan din nito. Tingin niya ay enjoy na enjoy ito sa ginagawa. Hindi na siya nakapalag ng hawakan nito ang kamay niya at dampian ng halik. Namumungay din ang mga mata nitong nakatingin sa kanya. Kahit gaano pa kabuti si Aries sa kanya ay nanatili pa ring na kay Marc ang puso at isip niya. Napatingin siya kay Marc na nanatili pa rin sa kinapupwestuhan nito. Panay ang hagod nito sa batok niya sigurado siyang higit pa sa selos at galit ang nararamdaman nito. Bigla tuloy siyang nag alala sa magiging resulta nitong ginagawa niya.

Matapos kumain dahil oras na ng klase niya sa culinary ay nagtungo na sila dun ni Aries. Inakbayan siya ni Aries mula paglabas ng restaurant hanggang sa pagsakay nila sa kotse.