CHAPTER 47: Memory of the Past

Kinabukasan, mabibigat ang mga paang pumasok si Kim sa building ng Chavez Land. Wala na sana siya planong bumalik dun kaso sinabihan siya ng manager niya sa kumpanyang pinagtatrabahuan na baka magkaproblema sa kontrata nila sa Chavez Land kung basta na lang siya aalis kaya no choice siya kundi magpatuloy sa trabaho sa pagiging secretary ni Marc.

May business meeting si Marc sa umaga hanggang tanghali kaya hapon na ng makarating ito sa office.

Pagdating ni Marc pansin ni Kim na hindi maganda ang mood nito. Diretso itong pumasok sa opisina at hindi pinansin ang mga empleyadong bumabati sa kanya. Naalala niya yung nangyari kahapon na sinundan siya nito habang kasama niya si Aries. Malamang ay masamang masama ang loob nito sa kanya. Naisip niyang walang wala pa rin yung nararamdaman nito kumpara sa naramdaman niyang hinagpis na apat na buwan na niyang dala dala.

Sumunod siyang pumasok sa opisina. Nakaupo si Marc sa couch habang hinihilot hilot ang sentido niya. Tumingin ito sa kanya pag