KABANATA 58

Ang malamang pinagkaisahan pala siyang dukutin nina Lucifer at Tanner kasama ang iba pang kaibigan ni Declan upang dalhin siya sa Muchàs Gràcias ay wala na talagang maisip pa si Margaux kung bakit ganoon ang ginawa ng mga ito.

Nakaupo sa kama ni Declan sa loob ng cabin ng lalaki ay kaharap ni Margaux sina Cladmus, Gavin, Magnus at ang dalawang Ackerman. Si Marcus na lamang ang wala roon sapagkat hanggang ngayon ay nagpapagamot pa rin ang lalaki sa Ospital magmula pa noong dinukot nina Phoebe, Dominic at Conrad ang anak niya.

"Bakit ninyo ako dinala rito ha? Alam niyo ba na grabe ang takot ko sa palaisipang baka may mangyari na namang masama sa akin o maging kay Daizen, pero kayo lang pala iyon?"

Walang ni isa ang nagsalita at sabay pa ang mga itong itinaas ang mga kamay sa ere na tila ba ay sumusuko na sa kanya.

"I'm sorry Margaux... napagpasyahan lang kasi naming dalhin ka rito bago tumaon sa eksatong petsa ang kabuwanan sa pagkamatay ni Declan."

"At sa tingin n'yo ba ay natutuwa ako