[FACKLY] Part9.8: Chapter8: Pattern

NANG sumunod na mga araw, sa halip na pumasok si Yrannie sa school dumiretso siya sa Police Station na malapit sa lugar nila, kung saan nalaman niyang doon nakaduty si Fackly. Hindi siya nabigo nang makita niyang nasa office admin ito. Malalim siyang humugot ng hininga bago niya nilapitan si Fackly.

"Kailangan natin mag-usap." Seryosong panimula niya rito.

Napansin niyang tumingin muna ito sa kasama nito't binulungan, kapagkuwan hinila siya nito palabas ng police station.

"Saan mo dinala ang bangkay ni Sir Leon?" Mahinang tanong niya rito. Sapat na 'yong boses niya na silang dalawa lang ang makakarinig ng pinag-uusapan nila.

"Yrannie, ayoko sanang masaktan ka at madamay rito, pero pinipilit mo ko na gawin ito." Makahulugan na sagot ni Fackly na ikinanuot-noo niya.

"Anong ibig mong sabihin?"

Humugot muna ng malalim na hininga si Fackly. "Kapag sinabi kong huwag kang makikialam, alam kong masasaktan ka. At kapag nadamay ka, malalagay ka sa kapahamakan. Lalo na't alam ng mga iba kong kas