[SIMON] Part7.8: Chapter8

TAHIMIK silang naglalakad na dalawa ni Bashie nang basagin iyon ng dalaga. Napansin niyang medyo madaldal ang dalaga dahil panay tanong nito tungkol sa personal niyang buhay. Pero syempre, maingat niyang sinasagot ang tanong nito para hindi siya pagdudahan ng dalaga.

Ngunit tila susubukin siya ng tadhana, akala niya nakaligtas siya sa tinatago niyang sekreto. Halos gusto niyang huminto sa paglalakad at manigas na lang sa kanyang kinatatayuan pero 'di niya magawa at nagpatuloy pa rin siyang sabayan sa paglalakad si Bashie nang magtanong ito.

"Nakita kitang may isinuksok ka sa bulsa ng pants ni Kirk. Ano 'yon?" Kuryosidad na tanong nito.

"Ah, iyon ba, papel lang naman 'yon," maang-maangan niyang sagot. "Huwag mong seryosohin prank ko lang naman sa kanya iyon." Palusot na dagdag niya. Saka pilit na ngumiti.

Hindi siya nabigo dahil mukhang nakumbinsido niya ang dalaga at natawa pa ito sa sagot niya. "Ang isang nerd, matalino at tangang tulad mo ay marunong palang mangprank!" Komento nito.