Chapter 43 pt.2

"Ano ba! Ibaba mo ako Mr. Lust!!" Pinaghahampas ni Carnation ang likod niya pero wala pa rin itong silbi, Matulin lang siyang naglalakad sa lobby na parang hindi niya karga sa balikat ang dalaga. Pumasok sila sa isang silid sa dulong bahagi ng lobby. Agad na binalibag ng binata patapon sa velvet na lounge si Carnation. Umaray pa ito dahil sa lakas ng imapak.

"Bw*sit ka Mr. Lust!" sigaw ni Carnation sa inis at binato ng sandal ang nakatayong si Luca, pero parang hindi man lang ito nasaktan.

"Tatawagan ko si Farkas, sasabihin kong iba na lang ang ipadala niya kay Rufus."

"Hindi!" Tumayo si Carnation. "Customer ko siya at ako dapat ang mag-serve sa kanya—"

"No! You'll stay here."

"Hindi nga! Bakit ba tinatanggalan mo ako ng trabaho?" singhal ng dalaga at tinulak si Luca para ito makaraan.

Hinabol ni Luca ang dalaga na nasa harap na ng pinto. Binuksan nito ang pinto pero mabilis na itinukod niya ang kamay dahilan para sumara ito ng malakas