Chapter 3

Napahawak siya sa kaniyang magkabilang bulsa. "Ok, right! Um, anyway may I know your name?" Tanong pa niya sa akin sabay huminga nang malalalim.

Inayos ko muna ang aking buhok bago nagpakilala sa kanya.

"I'm Yvonne Garcia by the way," pakilala ko pa sa kanya sabay ngumiti.

Mabilis niya naman na inilahad ang kaniyang kanang kamay upang makipag-kamayan sa akin. "Hi Yvonne nice to meet you. Anyway I'm Marcelo Bermudez," wika pa niya sabay nakipagkamay sa akin habang hindi mawala wala ang pag-ngiti niya sa akin.

Hindi ko alam ay na love at first sight na pala sa akin nu'n si Marcelo Beemudez.

Noong araw na iyon ay nagkakilala kaming dalawa ni Marcelo Bermudez at tila sinadya talaga nang tadhana na ipag-cross sa isat-isa ang aming landas. 

Simula rin noong araw na nagkakilala kaming dalawa ay palagi na siyang pumupunta roon sa department store na parating pinupuntahan ko tuwing mamimili ako ng mga bilihin. Para lamang abangan ako at makita niyang muli.

Halata talaga sa mga kilos at galaw niya na natitipuhan niya ako kahit na hindi pa naman niya ako lubusang kilala.

Tila parang nakasanayan niya na nga na pumunta roon tuwing araw nang Sabado kung saan araw ng aking pamimili ng mga groceries.

At sa tuwing makikita niya ako roon ay niyayaya niya agad akong kumain sa labas. Dahil sa gusto niya raw na mas makilala pa namin dalawa ang isat-isa at mas makilala pa namin ang aming katauhan nang maigi.

Tutamatanggi naman ako sa mga paanyaya niya sa akin lalo pa at hindi ko pa siya lubusang kilala. Subalit mapilit talaga siya kung kaya't hindi ko na magawang tumanggi bagkus ay payagan at pagbigyan na lamang siya sa kaniyang mga paanyaya sa akin.

Minsan pa nga ay pinipilit niya pa ako na payagan ko siyang ihatid ako sa aming bahay kapag uuwi ako, upang pormal siyang makipagkilala sa aking mga magulang. Subalit ayaw ko lang sapagkat alam kong magagalit sila lalong lalo na ang aking Tatay Baste, sapagkat hindi pa niya gustong magkakaroon ako ng boyfriend unless nag-aaral pa ako ng kolehiyo.

Lumipas pa ang maraming araw at Linggo ay tila padalas na nang padalas ang aming pagkikita dalawa ni Marcelo. Hanggang umabot na sa puntong tila parang nagkakaigihan at nagakakamabutihan na kaming dalawa sa isat-isa. 

Lalo na ako na tila parang unti-unti nang nahuhulog ang aking loob sa kanya dahil sa mga kagandahang loob na pinapakita niya sa akin.

Mga efforts niya, mga pag-aalala niya sa akin at walang sawang pagbibigay ng mga regalo at bulaklak kahit wala namang okasyon o kaganapan. Gayon din ang pagpapadama niya sa akin na ako'y espesyal at may halaga sa kaniyang buhay kahit na wala namang may namumuong relasyon sa pagitan naming dalawa .

Bukod pa roon ay hindi rin makakaila na gwapo at mistisong lalaki si Marcelo. Matangkad, maputi, matangos ang ilong at tsaka matipuno ang katawan. Tila ba parang nasa kanya na ang lahat na katangian na hinahanap ng isang babae sa isang lalaki. Sa katunayan niyan ay habulin talaga ng mga kababaihan si Marcelo dahil sa taglay nitong karisma. 

Kung kaya't hindi rin malabo na hindi ko siya magugustuhan lalo pa at nakikita kong may mabuti siyang puso at kalooban. Kahit na labag man sa akin ang magkaroon ng karelasyon dahil sa aking ipinangako sa aking mga magulang na hindi ako magbo-boyfriend kapag hindi pa ako tapos ng aking pag-aaral.

Ngunit sadyang mapaglaro talaga ang tadhana dahil pilit talaga kaming pinaglalapit ng loob ni Marcelo. Hanggang umabot nga sa punto na niligawan ako ni Marcelo at dahil na rin sa hindi ko na mapigilan ang aking naramdaman na pag-ibig para sa kanya, kung kayat sinagot ko siya ng maluwag sa aking puso at dahil na rin sa aking kagustuhan na maging boyfriend ko siya.

Simula noon ay parang naging makulay pa lalo ang aking buhay nang dumating si Marcelo sa akin. Palagi akong inspired na mag-aral lalo na at ginagawa ko siyang inspirasyon ko sa buhay.

Nagtagal ang aming relasyon hanggang sa magtungtong ako nang 4th year college. Habang tumatagal ay mas lalo pang tumindi ang aming pagmamahalan dalawa. Kahit na minsan ay hindi maiiwasan na may pagtatalo kaming dalawa at may darating na pagsubok sa aming relasyon dalawa. Subalit matatag pa rin ang aming relasyon at patuloy na lumalaban.

Ngunit lahat ng iyon patungkol sa aming relasyon ni Marcelo ay itinago ko sa aking mga magulang nang mahigit dalawang taon. Lalo na sa aking Tatay Baste at tanging sa matalik ko lamang na kaibigan ko ito ibinahagi na si Colleen Matapang.

Na wala pala akong ka alam-alam na ultimate crush niya pala since high school until now ang aking boyfriend na si Marcelo Bermudez.

Kung kaya't nang ibahagi ko sa kanya ang patungkol sa aming lihim na relasyon dalawa ni Marcelo ay tila parang nag-iba na lang bigla ang kaniyang naging pakikitungo sa akin. 

Ang kaniyang mga ngiti sa labi tuwing makikita niya ako ay napalitan ng galit at hindi ka nais-nais. Dahilan sa kaniyang nararamdamang selos sa aming dalawa at pagka-inggit. Hanggang umabot nga sa punto na nagtanim na siya nang galit sa akin na hindi ko man lang nalalaman at inaasahan na mangyari.

Umabot din nang mahigit ilang Linggo ang hindi pagpansin sa akin ni Colleen mapabahay man o mapaskwelahan. Kung kaya't hindi ko na ito pinalampas pa at gumawa na ako ng paraan para magkausap kaming dalawa.

Araw iyon nang Linggo kung saan nagsimba kami ng mga magulang ko kasama ang aking matalik na kaibigan na si Colleen.

Sa kalagitnaan pa lamang ng aming pagsisimba ay napansin kong tila panay ang tingin sa akin ng kaibigan kong si Colleen. Subalit hindi niya man lang ako magawang pansinin o kahit kausapin man lang ng mga oras na iyon. Kahit na kinakausap ko siya ay parang nagbibingihan lamang siya na tila ba parang hindi niya naririnig ang bawat sinasabi ko.

Noon pa man ay napansin ko na parang malimit na lang siyang makipagkausap sa akin at malimit na rin siya kung dumalaw sa akin sa bahay, hindi kagaya nang dati na halos ay araw-araw.