Chapter 12

Limang oras mahigit na akong nakaharap sa salamin. Tinatanong ang sarili kung dapat bang makipag kita pa ako kay Steve o hindi? Kung tama ba itong ginagawa ko o mali? At kung lalabas ba akong kasama siya, o mananatili na lang upang makalayo sa kaniya?

Suot ang bistidang kulay pula na hapit sa aking katawan, itim na sandalyas na may dalawang pulgadang takong, at pouch na kulay pula rin. Sa tingin ko'y normal at mukha naman akong kagalang-galang. Babaeng kailangang ingatan, at hindi dapat na paglaruan. Pakiramdam ko'y isa akong mamahaling dyamante na nagniningning lalo na sa gabi. Si Steve kaya, ano na ba ang tingin niya sa akin ngayon? Tulad pa rin kaya noon na isang bayaran at mababang uri ng babae?

Limang taon kong kinabisa ang emosyon, salita pati na rin kilos na dapat kong ibigay at ipakita sa kaniya, sakali mang magkita kaming muli. Ngunit lahat ng iyon ay nabaliwala. At ngayoy heto, umaasa na naman ako n