Kabanata 17

Ivo

Kasalukuyan siyang nasa counter bar habang umiinom ng alak. Hindi niya maatim na kayang kunin ng kaniyang asawa ang buhay ng kanilang anak ng basta-basta na lang at hindi niya iyon matanggap. Kung alam niya lang na may laman na ang tiyan nito ay agad niya sana itong pinigilan. Ilang taon na rin siyang naghihintay na magkaanak sila ni Shania subalit nagtataka siya kung bakit wala pang nabubuo, iyon pala ang dahilan. Dahil ayaw ng babaeng magkaanak sila.

Napapikit siya ng mariin nang gumuhit ang alak sa kaniyang lalamunan. Sobrang lakas ng tama ng alak, binili pa niya ito sa U.S. noong nag-business trip siya.

“Alam mo, masama ang alak sa katawan,” saad ng tinig sa likod niya. Hindi niya na ito nilingon dahil alam niya naman kung sino iyon. It was Gianna, naramdaman niyang umupo ito sa kaniyang tabi kaya napalingon siya.

“Anong ginagawa mo rito?” tanong niya sa babae.

“Kumusta ang pag-uusap niyo ng asawa mo? Nakita ko siyang umalis sa mansyon kanina. Nag-away ba kayong dalawa?