Kabanata 28

Natapos ang kanilang hapunan na puro katatawanan. Nakakatawa kasi ang dalawang Marites na sina Vanessa at Amy dahil sa mga kwento nito noong kabataan nila. Na kesyo si Vanessa raw ay umiihi pa sa shorts noong Grade 3 siya samantalang si Amy naman ay palaging sinusuotan ng kaniyang ama ng mga panlalaking damit. Mag-childhood best friend kasi itong sina Amy at Vanessa kaya alam nila ang baho ng isa't-isa. Naalala niya tuloy si Maria na kaibigan niya sa probinsiya. Si Maria ang palagi niyang kasama simula bata pa sila, ito rin ang tagapagtanggol niya dahil medyo may pagka-amazona kasi iyon. Ang huling balita niya sa dalaga ay nakapagpangasawa raw ito ng kano at nasa Amerikana. Sana nga lang ay magkita silang dalawa at magkasama ulit.

"Gianna, iyong pinag-usapan natin ah, naroon si Sir Ivo sa garden puntahan mo na," bulong ni Vanessa sa kaniya. Kasalukuyan kasi silang nagliligpit ng pinagkainan, simula kanina ay hindi nawala ang kaniyang kaba kahit na dini-divert niya ang kaniyang isipan