Chapter 13

“MUFFIN! GET UP!” 

Ilang beses ng narinig ni Ice ang pamilyar na tinig na iyon ni Bastie ngunit hindi pa rin siya dumidilat. Bakit nga ba maging sa kanyang panaginip ay ginagambala siya ng kutong lupa na iyon?

“Muffin, get up.” 

Muli niyang narinig iyon na tila ba nandoon ang binata. Nang makaramdam siya ng mahinang yuyog at tapik mula sa kanyang balikat ay napagtanto niya na hindi iyon isang panaginip.

Unti unti siyang nagmulat ng kanyang mga mata at dali dali pa siyang kumurap-kurap ng dalawang beses ngunit hindi naman nawala ang imahe ng lalaking nasa harapan niya.

Kinusot niya ang kanyang mga mata at doon nga niya na napagtanto na hindi siya pinaglalaruan ng kanyang paningin.

<