Chapter 15 - Second time / WARNING!!! RATED SPG!

Hindi na kumatok si Shalanie sa kuwarto ni Samuel. Basta na lang niyang pinihit ang siradura ng pinto at pumasok sa loob. Naabutan niya itong nanonood ng TV habang nakasandal sa headboard ng kama nito. May mga sariling TV ang lahat ng kuwarto sa villa kaya naman hindi nababagot si Samuel kahit nasa loob lang ito ng kuwarto.

Nakatakda na dapat silang bumalik sa Toronto noong lingo ngunit pareho silang hindi nakabalik dahil nagkasakit si Samuel. Nalaman niya mula kay Don Roberto na galing ito sa pamimitas ng grapes nang malaman nito na hindi pa siya bumabalik mula sa pamamasyal na mag-isa.

Nag-alala ito ng husto dahil alam nitong hindi niya kabisado ang lugar. Dahil sa labis na pag-aalala ay hindi nito inalintana pa ang pagod, sinugod nito ang malakas na ulan para lang hanapin at makita siya. Natagalan din ito sa paghahanap sa kanya. Dahil doon ay nagkasakit ito. Kaya naman siya ang nag-alaga rito.

Ngumiti ito nang makita siyang pumasok ng silid. Ginantihan niya rin ito ng matamis na n