Chapter 12

Nagdaan ang mga araw ay ganoon pa rin ang nangyayari sa kanila. Nagkakasama sila ni Erries paminsan-minsan dahil na rin kay Cassy. Ngunit, hanggang tingin lang sila at hindi na naulit pa kung ano man iyong nangyari sa kanila noong nakaraan.

Ngayon, kasalukuyan nilang binabaybay ang lugar kung saan nakatira ang nakakatanda niyang kapatid na si Raymond. Pinagdidiriwang nito ang anibersaryo ng kasal nilang mag asawa at imbentado sila sa salo-salong iyon. Kasama niya si Cassy habang papunta sila doon.

"Ganoon pa rin kaya si Kuya Raymond? Medyo hindi ko na rin siya nakikita at nakakasama eh," mayamaya ay sabi ni Cassy.

"Hmm, yeah ganoon pa rin siya. Kilala mo naman 'yon," tugon niya sa sinabi nito.

Bahagyang ngumiti at tumango si Cassy.

Matagal na rin niyang kilala ang kapatid ni Lance, na si Raymond. Lagi niya itong nakikita at nakakasama sa mga event, lalo na kung nagkataon na pareho silang imbetado. Minsan din ay nakikita niya ito sa mansion ng mga ito, kapag pumupunta siya doon.