KABANATA 55.2

"Is that how you hate me? Iiwan mo ulit ako?" may himig hinanakit na bigkas nito.

Tinikwas ko ang aking kilay at inip itong nilingon.

"Kung gusto mong manatili rito, hindi kita pipigilan, Delton. Basta ako, uuwi ako."

Tumayo ako at kinuha ang isusuot ko. Isang beses ko pa siyang sinulyapan ngunit mariin ang titig nito sa maleta kaya't hindi na ako nagsalita pa at dumiretso na lang sa banyo.

Kahit naman magalit ako sa kanya hindi ko naman na mababago pa ang kapalaran ko. Isa pa, nawawala ang pagkamuhi ko sa kanya kapag naiisip na kagaya ko ay wala na rin siyang mga magulang. Pinagdarasal ko na sana ay tama ang desisyong gagawin ko.

Pagkatapos maligo ay agad ko siyang hinanap. Nasulyapan ko siyang nilalagay ang maleta ko sa kanyang sasakyan.

"Sigurado ka na ba, Sage?" may lungkot na tanong ni Yaya Nenita.

"Opo. Isa pa, wala naman pong mangyayari kung magmamatigas ako." Maliit akong ngumiti, "Huwag po kayong mag-alala, i-re-request ko po na ibalik niya kayo sa mansyon."

Ngumiti ito at hi