6— Grocery

Chapter six

Grocery

Unang araw ko ngayon bilang totoong kasambahay. Iyong kasambahay na maglilinis at maglalaba. Nakasuot ng kulay asul na uniform at busy buong araw

Pero totoo talaga iyong expectations vs reality. Expect ko sa unang araw ko bilang totoong kasambahay ay maging busy buong araw pero hindi ko akalaing magbibihis ako ngayon ng panglakad na damit dahil sasamahan namin si gwapong driver mag grocery.

Ang ending, si Manang iyong naglalaba at naglilinis ng bawat kwarto na dapat ay ako ang gumagawa. At ito ako ngayon, naka upo sa likod na magandang sasakyan ni gwapong driver kasama si Sheena at si Reagan.

Biglang bumukas iyong pintong katabi ni reagan sa front seat at pumasok si gwapong driver. Akmang papa-andarin na ni Reagan iyong kotse pero pinigilan sya ni sir Easton.

Tumingin sya dito sa likod at suminyas kay sheena na lumabas. Nagtataka kaming napatingin sa isa't isa ni Reagan nong lumabas sina sir Easton at Sheena. Mga ilang segundo rin ay sabay bumukas ang dalawang pinto; iyong likod at harap.

Akala ko si Sheena iyong bumukas ng pinto pero nabigla na lang ako nong nakita ko sya sa front seat na kakaupo lang, katabi si Reagan. Lumingon ako sa katabi ko, at doon ko napagtantong nag palitan sila ng upuan.

Dinig kung sumisipol si Reagan sa napagtanto at natatawa. "Grabi, isang chess player nga. Nag first move eh."

"Drive, we still have 5 minutes left."

Tumingin ako kay sheena nang wala akong marinig kahit isang salita sa kanya mula kanina pa. Seryuso itong nakatitig sa labas at halatang malalim ang iniisip. Okay lang kaya sya? Pansin ko kaninang umaga pa sya'ng tahimik.

Walang traffic at dirit-diritso iyong takbo ng sasakyan, kaya kahit mabilis lang iyong byahe ay ramdam kong nag-eenjoy akong tinanaw ang mga naglalakihang building at estrakturang dinadaan namin.

"Do you have the list?" biglang lumapit si sir Easton sa akin at hinanap iyong listahan ng bibilhin namin.

Umiling ako, "Wala sa 'kin. Kay Sheena iyon binigay ni manang."

Agad n'yang nilapitan si Sheena at hiningi ang list, ilang sandali lang ay bumalik sya sa pwesto ko at binigay sa akin ang isa pang listahan. Napatingin ako sa pwesto ni Sheena nang maalala na dalawang listahan iyong binigay ni manang. At nasa kanya nga ang ikalawang listahan.

Hawak ko ang listahang puro nasa naglalakihang section nakalagay. Gaya ng mga dry at canned goods, mga ingredients at iba pa habang si Reagan at Sheena naman ay nasa meat at fruit section sila. Si Reagan na bahala sa prutas, marunong naman manilatis ng maganda iyon.

"Did you have a good sleep?" nasa kalagitnaan kami ng maraming canned goods ng tanungin nya 'ko tungkol sa tulog ko.

"Okay naman," alas nuebe na ako na gising. "Maganda iyong kwartong binigay mo. Salamat."

Sa sobrang ganda at comfortable ng kwartong binigay nya, akala ko hindi ako kasambahay.

Hindi ganon karami ang mga tao dito sa mall pero ramdam ko ang daming nga matang nakatitig sa amin— Kay si sir Easton pala. Bawat dumadaan sa parteng 'to ay sa kanya tumatagal ang kanilang mga mata keysa sa daang nilalakaran, ayon tuloy may isang nagkabanggaan ng cart.

Sabagay, hindi ko sila masisisi, gwapo naman talaga sya. Nasalo nya lahat ng blessings.

"Did you open the cabinet there? I put some extra clothes for you." aniya pa habang kinukuha iyong naglalakihang pack ng century tuna.

"Hindi pa, pero salamat... Sir."

Doon na sya tumingin sa akin at nginitian ako. Napatingin ako sa limang karton na century tuna na kinuha nya.

"Ang dami po nyan, sir. Dalawang karton lang po ang nakalagay sa listahan." Koreksyon ko.

"I know, these three box is for someone."

Someone... Sa babaeng gusto nya?

Pagkatapos namin sa mga naglalakihang section, pumunta naman kami sa drinks section kung saan nandon lahat ang mga iba't ibang drink, para sa bata man o matanda.

Binuksan ni sir Easton ang isang ref doon at kumuha ng limang pack na yakult, limang pack na Chuckie saka limang pack rin na c2. Isa-isa nya iyon nilagay sa pangatlong malaki na cart namin.

Hindi na ako nagsalita pa at hinayaan syang kumuha sa mga pwede pang idagdag sa listahan. Na kumpleto na rin kase namin iyong nasa listahan.

Hindi pa kami naka isang lakad ng makita namin ang dalawa na halatang nagtatalo. Gaya namin, tatlong malaking cart rin ang hawak nila.

"Tanggapin mo na kase, babayaran ko naman."

"Wala sa listahan yan kaya bawal."

"Kahit na! Babayaran ko naman."

Hindi nagsalita si Sheena.

"Porke't alam ko sikreto mo hindi mo ipapasabay itong akin."

"Isang salita pa, lilipad ka talaga.

"Para ka talagang mangga, eh no. Feeling sweet sa kanya maasim naman." Pangaasar pa ni reagan bago umilag sa pamamatok ni Sheena at tumatakbong nagtatago sa likod ni sir Easton.

Biglang nag iba ang expression sa mukha ni Sheena, mula sa pagiging tigre ay naging isang maamong tuta sa harap ni sir Easton.

"Get off of me Paige."

Parang batang nagtatago sa likod ni sir Easton si Reagan at kumakapit pa ito sa polo nya. "One."

Umiling si Reagan. "May tigre bff."

Biglang akong napatawa sa tawag ni Reagan sa kanya. Bff. Pero agad ring nawala iyon dahil sa seryusong tingin nila sa 'kin.

"Umalis ka na dyan, Reagan, ako bahala sayo."

Binigyan ko ng nakakamatay na tingin si Reagan bago tumingin kina sir Easton at Sheena. Sundin mo ko, umayos ka.

Nakuha nya rin naman ang ibig kung sabihin at pakamot ulong lumapit sa akin. Nong nasa likod ko na si Reagan ay umunang naglakad paalis si Sheena habang tulak-tulak iyong cart.

"Pa cashier na po tayo sir." Bumaling sakin ang blankong tingin nya at nakakamatay na tingin naman ang binigay nya kay Reagan at padabog na hinila ang dalawang naglalakihang cart sa magkabilang kamay.

"Dalawa na sila." bulong ko at tinanaw ang dalawang taong biglaang nawalan ng mood.

"Hula ko, next time mamamatay na iyon sa selos."

Pabigat kong inakbayan si Reagan kahit hindi ko sya gaanong abot dahil mas mataas pa sya sa 'kin. "Halika na, kasalanan mo 'to eh. Ang hilig mong mang asar."

"Hindi ko kasalanang ang bilis nilang mapikon."

"Hindi rin nila kasalanan kung aatakihin ka nila mamaya."

"Hoi wag naman."

Bigla akong napatawa sa naging reaction nya, kahit hindi pa kami ganon magkakilala ay iba na ang trato namin sa isa't isa. Hindi halatang first meet pa lang namin nong isang araw.

Lumayo na ako sa pagkaka-akbay sa kanya dahil kinuha nya ang cart ko. Gamit ang dalawang kamay ay tulak-tulak nya ang mga iyon kagaya kay sir Easton kanina lang.

Saktong pagdating namin sa cashier ay tapos ng mailagay ni Sheena iyong nasa cart nya. Maya-maya lang ay si sir Easton na ang susunod.

Habang naghihintay, Reagan is being Reagan. Hindi nakakatape ang bibig kaya ang ingay, habang naghihintay kahit ano-ano na iyong tinuro nya sa may stant at binibigyan ng motto o kasabihan ang bawat brand

"Ito pa agie, hindi magtatagal ang iyong relasyon kung walang..." May pinakita syang maliit na blue na lalagyan at may nakalagay na, "thrust"

"Gago, condom iyan!"

Bigla akong mapatakip sa bibig dahil medyo napalakas ko ang salitang condom. Nanggigil kung sinapak ang braso nya pero ang loko tinawanan lang ako.

"Ikaw ah, feeling innocent pero kilala mo na pala 'to." Pangaasar pa nya.

Ngayon ko nararamdaman ang pagsisisi kung ba't ko sya tinulungan sa tigreng si Sheena kanina. Sana pala hinayaan ko syang sapakin ng babae, may remembrance pa sana ang mukha nito paguwi.