Kabanata 42

Sa isang parking lot sa Makati, galit na galit si Dianne habang nakatayo sa tabi ng kaniyang kotse. Bahagyang umuulan kaya’t napilitan siyang sumilong sa isang maliit na tindahan malapit sa gasolinahan. Kanina pa siya tumatawag kay Levi, pero wala itong sagot. Nagta-try din siya mag-text pero seen lang.

"Tsk!" mariing sambit niya habang muling pinindot ang call button sa cellphone. "Levi, sagutin mo naman, oh!"

Tumunog muli ang linya, pero ilang segundo lang, naputol rin ito at napunta sa voicemail.

“Put—!” napamura siya sa inis. "Sira na nga ang gulong ng kotse ko, hindi pa ako sinasagot. Anong klaseng lalaki ka ba?"

Uminit lalo ang ulo niya nang maisipan niyang buksan ang kaniyang social media. Doon siya binungad ng sunod-sunod na repost ng mga larawan nina Levi at Vionne—sabay na lumabas ng hotel. May video pa kung saan hawak ni Levi ang likod ni Vionne habang binubuksan ang pinto ng sasakyan para rito.

“Wow. Just wow,” mariin niyang sabi habang nag-i-scroll. “Ang sweet n'yo na