Kabanata 41

Pagdating sa floor ng kuwarto ni Vionne, kinuha ni Levi ang keycard mula sa clutch nito at binuksan ang pinto. Dahan-dahan niyang inilapag si Vionne sa kama. Pagkaupo niya sa tabi, sinuri niya kung may lagnat ito. Mainit ang pisngi, at bahagyang nanginginig ang katawan.

Tumayo siya at kumuha ng tubig sa minibar. Nilagyan niya ng yelo. Pagbalik niya sa kama, iniangat niya ang ulo ni Vionne.

“Vionne, gising. Uminom ka muna,” mahinang sabi ni Levi.

Bahagyang dumilat si Vionne pero agad muling pumikit. Wala itong lakas na kahit bumigkas ng salita. Dahan-dahang inilapit ni Levi ang baso sa mga labi nito at tinulungang uminom.

Nang maubos ang kalahati, pinahiga niya ulit si Vionne. Kinuha niya ang throw blanket at tinakpan ito. Hindi niya alam kung ano’ng nararamdaman niya sa mga oras na iyon. Gusto niyang magalit. Gusto niyang pagalitan ito dahil sa ginawa sa bar, sa paglalandi sa harap niya, at sa paglapit sa kung sinu-sinong lalaki. Pero ngayon, ang nararamdaman lang niya ay pag-aalal