CHAPTER 30.

Bellona.

Bumungad sa 'kin ang miyembro ng Pamilya nang makarating kami sa dining area. Nasa isa silang mahabang lamesa, nasilayan ko agad ang Ama ko sa gitna niyon. Nakaupo na rin ang ibang opisyal sa kabilang parte ng lamesa. Mukhang kaming dalawa na lang ni Kieffer ang hinihintay dahil ang upuan ko na lang at ni Kieffer ang may bakante. 

Hinahanap ng mata ko si Brianna pero hindi ko s'ya makita hindi pa yata n'ya natatanggap na nakabalik ako. Magkukulong na naman ba s'ya sa kwarto n'ya at magmumukmok? 

Binigyan ko nang nakakalokong ngiti ang ina ko nang magkasalubong ang paningin namin. Magkaharap ang upuan namin. Habang si Kieffer at Papa ang nasa magkabilang gilid ko.

"Maraming salamat at nandito na ang lahat." 

Nasuya ako sa boses ng ama ko. Masyadong maawtoridad kaya halos lahat ay seryoso sa kinauupuan nila. 

Nagsimula kaming kumain, ramdam ko ang mata nila habang sumusubo ako. Hab