CHAPTER 51

Everette

“Totoo ba ito apo, ko?” napasinghap si Lolo Emilio, sabay hawak sa dibdib niya habang binabasa ang laman ng folder. Tila hindi pa ito makapaniwala dahil paulit-ulit niyang pinasadahan ng tingin ang laman ng folder.

Panay tingin ko kasi malalim ang paghinga nito.

“Lolo ayos ka lang ba?” hindi nakatiis na tanong ko rito.

“Oo apo,” aniya patuloy nakatitig sa folder pero ako hindi ko maialis ang titig kay Lolo, kasi naghahabol ito ng paghinga.

“Lo!” ulit ko ngunit binigyan ako ng magaan na ngiti kaya nakampante ako.

“Lolo, kailangan natin malaman kung saan itinago ni Maryjane ang kapatid ko,” saad ko nakatingin pa rin sa kaniya.

“May lihim na akong taong pinasusundan si Maryjane, apo. Pero itong balita na ito ang kailangan natin malaman. Sa lalong madaling panahon.”

“Opo ‘lo bago mahuli ang lahat. Hindi natin alam kung anong kalagayan ng kambal ko ngayon. Maaring pinahihirapan ‘yon ngayon ni Maryjane," nasa boses ko ang pag-aalala.

Napahawak si Lolo Emilio, sa kaniyang dibdib. N