Kabanata 16.1

Naabutan kong pinapatawa ni Osmond sina Lala gamit ang laruan nito. Napupuno naman ng hagikhik nila ang hangin dahil dito. Ang sigla ng mga tawa nila na parang mayroon talagang hidden joke sa ginagawa ni Osmond pero pinagbabangga lang naman niya ang mga laruang kotse. 

Hindi ko maiwasang mapangiti. Talagang nakakahawa ang pag bungisngis nila. Kahit si Osmond ay grabe kung makatawa. Maaga na naman siyang umuwi ngayon. Wala pang seven ng gabi ay madalas nandito na siya katulad na lamang nitong mga nakaraang araw. 

Hindi naman ako nag-a-assume. Pero alam kong parte talaga ako sa mga dahilan niya sa maagang pag-uwi. 

Pinanood ko lang silang mag-aama habang nagtatawanan hanggang sa dumako ang tingin niya sa akin. 

Ganda mo. Basa ko sa buka ng labi niya. 

Napairap na lamang ako. Ganyan na siya simula nang umamin. Wala atang araw ang lumampas na hindi niya sinabi na maganda ako. I feel flattered, it i