KABANATA 14

NAKAKAPAGOD ding maghintay na dumating din ang oras na mahalin mo rin ako, naipaglaban mo rin ‘tong bisexual na ‘to. Nakatatakot ng paulit-ulit na sumugal sa ‘yo, Meg. Mahal kita, mahal na mahal pero napapagod din naman ako.

Tama naman siya, hindi ko naman kasi siya kayang ipaglaban kaya bakit pa ako nag-iinarte ‘di ba?

Nakaupo ako at nakatungangang kaharap ang laptop sa opisina ko sa Escala. Nakaka-lintik na pag-ibig na ‘yan.

Natigil lang ang pag-iisip ko n’ong may kumatok at pumasok ang secretary ko.

“Ma’am Laxa, nadala ko na po ‘yong papeles kay Senior Manager Medialdia, sabi niya po ire-review na lang daw po nila at may meeting daw po kayo by 4 pm,” nginitian ko siya.

“Hmm salamat.” Hinihintay kong umalis siya pero nanatili siyang nakatingin sa akin at nakatayo.

“Ma’am, gusto n’yo po bang bilhan ko kayo ng milktea sa labas? O ‘di po k