Chapter Fourteen

DUMATING na ang araw na hinihintay ni Rafael ang paghaharap nila ni Mario sa korte. Pero ni anino nito ay hindi nagpakita. Ang sabi ng abogado magandang senyales daw 'yun. Pwedeng wala na raw itong balak na lumaban.

Nilingon niya si Nicolo na tahimik lang nasa tabi niya habang binabagtas nila ang daan palabas ng gusali. Ano kaya ang sinabi nito kay Mario dahilan para hindi ito humarap sa korte?

Natigilan siya nang bigla siya nilingon nito. "Is there a problem?"

"Alam mo ba kung bakit hindi nagpakita si Mario sa korte?" hindi niya matiis na hindi itanong.

"I told you, we will win this case." walang emosyong sagot nito.

Tipid niya itong nginitian. Sana nga tuloy-tuloy ang magandang proseso ng laban.

"Thank you." aniya.

"Tsaka mo na ako pasalamatan kapag nasa iyo na ang custody ni Riley." huminto sila sa bakuna ng gusali kung saan ang parking area.<