CHAPTER XXXVI

ROUGJAN AISLINN ALLEJO

“Ayos ka na ba?” tanong ni Alec nang makapasok kami sa kwarto matapos niyang linisin ang sugat ko.

“Oo pero hindi pa pala ako naglunch. Kumain muna tayo sa labas,” saad ko saka tumayo, kaagad naman siyang sumunod para umalalay sa akin pero nagsabi akong ayos lang.

Pagbukas ko sa pinto ay kaagad kong narinig ang usapan nina Aillard at Dieosh mula sa couch.

“Baliw. Paano kung may nangyaring masama ro’n?” saad ni Aillard. Napatigil din si Alec sa tabi ko saka nilingon ang dalawa.

“You’re really inlove, huh?” giit ni Dieosh.

“Baliw,” yamot na sabi ni Aillard. “Magpahinga ka na nga ro’n sa kwarto mo.”

“Don’t change the topic,” pang-aasar ni Dieosh kay Aillard. “Alam mo namang alam mo na yung sagot niya kung sakaling sabihin mo ulit sa kaniya yung nararamdaman mo.” Hahakbang na sana ako ng tuluyan palabas pero napatigil ako. Mukhang alam ko ang pinag-uusapan nila. Pumihit ako papasok sa kwarto.

“Mamaya na lang,” mahinang sabi ko kay Alec na ikinatango niya.

“Decisions can be change if we want to,” huling narinig ko sa sabi ni Aillard bago isara ni Alec ang pinto.

“Do you think they’re talking about you?” tanong ni Alec nang maupo sa tabi ko. Tumango ako sa kaniya.

“You know the reason why I keep my distance to all you, right?” Tumango siya. “I’m trying to get distant especially to Aillard so that he can forget that feelings pero bakit parang hindi yata gumagana?”

“Feelings is really weird and mysterious, minsan kahit malayo sa’yo yung gusto mo parang lalo ka pang nahuhulog.” Napatingin ako sa kamay ko nang maalala ang isang tao.

“Oo nga pala, nasaan na yung bracelet mo? Hindi mo na sinusuot,” puna niya.

“Ah, nawawala,” palusot ko. Akala ko ay nakalimutan na nila ang tungkol doon, naaalala pa pala niya.

“Oh, sayang, bagay pa naman sa’yo. Saan ba galing y—.” Kaagad akong napakilos at sumampa sa kama para mahiga.

“Magpapahinga na lang muna ako,” saad ko sa kaniya para maiwasan ang itatanong niya sana.

“S-Sige, matulog ka muna. Iihi lang ako saglit.” Tumango lang ako saka tumalikod ng pwesto.

Sana lang ay hindi na siya mag-usisa ulit tungkol do’n.Paggising ko ay naabutan ko si Alec na natutulog sa tabi ko. Hinayaan ko lang siya at hindi na inistorbo pa. Bumangon ako para sumilip sa labas, hindi naman malalim ang sugat ko kaya ayos lang, medyo makirot nga lang.

Paglabas ko sa sala ay wala akong naabutang tao, marahil ay nasa kwarto sila. Naupo ako sa couch at ilang saglit lang ay lumabas si Alec sa kwarto namin.

“Kagigising mo lang?” tanong nito sa akin habang pinapagpagan ang suot niyang damit. Naka-uniform pa rin siya.

“Oo.”

“Lumabas si Aillard, pumunta sa headquarters nila kanina. Kumusta yung sugat mo?”

“Ayos lang, hindi naman malala. Pumasok ka na sa next subject, baka bumaba ka sa ranking kapag laging absent,” giit ko.

“Hmm, sige,” sagot niya saka naupo sa tabi ko.

“Kain tayo?” Tumango lang ako saka kami pumunta sa lamesa at naghalungkat ng makakain sa ref.

Ilang saglit matapos naming kumain ay tumunog na ang bell kaya nagpaalam na si Alec, sakto namang lumabas si Dieosh sa kwarto.

“Oh, si Alec?”

“Kalalabas lang, papasok na ulit. Nasa headquarters si Aillard.” Hindi siya sumagot saka nagbukas sa ref at uminom ng tubig.

“May kutob ka kung sinong gumawa niyan sa’yo?” tanong niya na ikinailing ko.

“Wala. Ni hindi ko nakita ang itsura pero babae siya.” Natigilan ako nang maramdaman ang mahinang kuryente sa daliri ko. “Saglit, iihi lang ako.” Tumango siya kaya tumayo ako saka dumiretso sa kwarto at pumasok sa banyo, soundproof dito.

“Emergency…” Narinig ko ang boses ni Black pero kaagad ding naputol iyon. Mabilis akong lumabas ng C.R saka kinuha ang maskara sa ilalim ng kama.

“Jade, locate Black’s location,” saad ko saka nagflash sa lens ng maskara ang mapa.

“Approximately 60 meters distance. System can’t reach his audio.” Itinago ko ang maskara sa bag saka lumabas.

“Punta lang ako sa office, may gagawin pa ako,” pagdadahilan ko kay Dieosh.

“May sugat ka, hindi ba pwedeng magpahinga ka muna?”“Babalik din ako kaagad,” giit ko saka lumabas na sa dorm.

Sumakay ako kaagad ng elevator saka nagmamadaling pumasok sa isang silid sa first floor. Nagpalit ako ng damit saka isinuot ang maskara. Maingat akong nagtago sa mga puno habang tumatakbo at sinusundan kung nasaan si Black hanggang sa matanaw ko ang mga nagtatakbuhan. Natanaw ko ang isa sa kanila, si Aillard. Pagtingin ko sa unahan ay may mga tumatakbo ring nakasuot ng hoodie.

“Throw a sleep bomb,” rinig kong sabi ni Black mula sa earpiece. Sa wakas ay nagsalita rin siya. Bumunot ako ng isang bomba sa direksiyon nina Aillard saka tumakbo papunta sa direksiyon ng mga tumatakbong Black Blood Fangs. “Black located,” saad ng boses ni Jade saka nagscan sa harapan ko, nasa unahan siya at mukhang hinahabol ng mga nasa harapan ko.

“Jade, aim a target,” saad ko saka huminto at nagsalang ng palaso sa pana.

“Target unstable. Target locked, release.” Kaagad kong ipinunto iyon sa target saka tinamaan ang isa sa kanila.

Bahagya silang napatigil at lumingon sa akin kaya nagbato ako ng smoke pellets. Kumapal ang usok sa paligid pero malinaw ko pa rin silang nakikita dahil sa thermal scanner ng lens ng maskara ko. Nakahinto sila at nakaamba.kaya naman tumakbo ako sa kaliwang direksiyon at saka nakita si Black.

“Why are they after you?” tanong ko kay Black habang tumatakbo kami palayo.

“I got this paper.” Ipinakita niya sa akin ang isang papel na nakatupi.

“Ano ‘yan?”

“I don’t know…” Binuklat niya iyon saka binasa.

“Lord Lantis is suspicious, investigate him.”

“What? Sino naman ang nag-abot niyan sa kanila?” tanong ko saka kinuha ang papel sa kaniya at binasa mismo ang nakasulat doon.

“I don’t know.” Natigilan kami nang makita ang apat na taong nasa harapan namin. They were wearing a black hoodie. Black Blood Fang.

“Iligpit niyo na.” Napatingin ako sa itaas ng puno. Kilala ko ang boses na iyon. Si Vanadey.

“Sh*t. Careful, L.A,” paalala ni Black saka nagbato ng smoke gas. Kaagad kong inihanda ang polymer stick ko saka kinuryente ang isa sa kanila.

“F*ck!” sigaw ng babae. Napalingon ako sa likuran ko nang maramdaman ang nasa likod ko, muntikan na akong hampasin nito pero napatumba siya kaagad ni Black.

Unti-unting nawala ang usok saka nakita ang babaeng nasa harapan ko, nagpupumilit siyang lumaban pero malakas ko siyang itinulak saka ako lumayo. Nanlaki ang mata ko nang makita ang mukha sa loob ng hoodie na iyon.

“L-Louise…” bulong ko.