Chapter 5: Sold for 10 Million

HINDI makakain nang maayos si Serena at maya'tmaya na napapasulyap sa taas. Ayaw mang isipin, gusto niyang malaman kung anong pinag-uusapan ni Kevin at Dahlia. 

“Madamé, may hindi po ba kayo gusto sa luto? Sabihin n'yo po sa akin para makapagpaluto ako sa chef.”

Nabaling ang tingin ni Serena kay Marie, iyong maid kanina. Umiling siya rito. 

“M-Masarap ang pagkain, don't worry.”

“Basta kung may gusto po kayong ipaluto o ayaw sa pagkain, sabihin n'yo po sa akin. Sundin daw po kasi namin ang gusto n'yo sabi ni Master.”

Magsasalita sana si Serena nang makarinig siya ng tunog ng takong na papunta sa gawi niya. Nang lumingon, si Dahlia iyon na papalapit. Nakataas ang noo nito at parang hinahamon siya sa tinging ginagawa. 

“Xavier and I broke up but he gave me a house and also promised to introduce me to a high paying job. I lost him pero hindi ako talo. And see this?”

May winagayway ito sa harap niya. Cheke sa tingin ni Serena. 

“Break-up f*e. He's generous, right?”

Galit na tumingin si Serena dito. “Pagkatapos mo siyang lokohin, ikaw pa ang ganang kumuha ng pera sa kanya? Wala ka bang hiya?”

“Santa-santita ka ba para mag-preach? No wonder Alex cheated on you. Para kang high and mighty kung magsalita pero 'diba't andito ka at kasama na ngayon ang ex ko? You should be thankful to me, girl. Kung hindi mo kami nahuli ni Alex, hindi ka ang pumalit sa pwesto ko.”

Napasinghap si Serena at gusto niyang hatakin ang buhok ng kaharap. Ayaw niya lang magmukhang cheap kaya ayaw niya itong patulan. 

Dahlia curled her lips at Serena and turned her back. Naglakad ito sandali ngunit huminto nang may maisip kaya nilingon siya. 

“Payo ko pala sa'yo, kung susuyuin ka man ng ex-fiancé mo, 'wag mo nang balikan. May pera siya pero hindi magaling sa kàma. Nauna pa siyang labàsan kesa sa akin. Lame guy with poor skills. Kakaawaan kita kung siya ang makatuluyan mo.”

What the heck?!

“IKAW na ang niloko tapos binigyan mo pa ng bahay at pera? Don't tell me, gusto mong balikan ang ex mo?”

Kumakain uli si Serena kasabay si Kevin dahil nawalan siya ng gana kanina. Nang malaman ni Kevin na hindi niya ginalaw ang nakahain kanina, sinabihan siya nitong sumabay rito. 

Nilapag ni Kevin ang steak sa plato niya bago nagsalita. “Are you jealous?”

“Bakit naman ako magseselos, ha?!”

“I did that so she won't pester you. It's better to give her money with conditions instead of still having a connection with her. Besides, I need to thank her.”

At ito pa talaga ang magpapasalamat? Masama niyang tiningnan si Kevin. Natawa ito sa reaksyon niya. “If you didn't catch her with your ex, you wouldn't be here with me.”

Namula si Serena at nag-iwas ng tingin. “Sinasabi mo diyan.”

Kevin just curled his lips and said nothing. Kakain na sana uli si Serena nang may maalala. 

“Sa main company ka ba o sa branch ng SGC? May position ka ba sa company?”

Umiling si Kevin. “Nope. I told you that I'll work but I still haven't decided if I'll stay at SGC or what.”

Bakit parang nayabangan siya sa tono nito? Hindi ba ito aware na ang hirap makapasok sa SGC? Kaya nga ayaw niyang mag-resign dahil maganda ang kompanya na pinagtatrabahuhan. 

Ngunit napansin ni Serena na Sanchez ang apelyido ni Kevin at Sanchez Group of Companies. May kamag-anak kaya ito roon o coincidence lang? 

Pinilig ni Serena ng ulo at bumalik sa pagkain. Nag-vibrate ang phone niya na nakapatong sa mesa kaya napatingin siya roon. 

Nang makita ang text na natanggap, sumama ang timpla ng mukha niya. 

Mula sa ama niya ang message at sinasabihan siya nitong umuwi bukas na bukas din. Ayaw niya sana itong pansinin nang mabasa niya na hawak nito ang gamit na iniwan ng mama niya sa kanya. At kung hindi siya susunod ay susunugin nito ang mga gamit. 

“What's wrong?”

Nagtaas ng tingin si Serena. “P-Pinauuwi ako ni Papa. Pwede mo ba akong samahan bukas? Ipapakilala kita sa kanila.”

‘Para hindi na rin nila ako piliting ibigay kay Alex dahil may asawa na ako.’

“Of course. I'll make time for you, Serena. But first, eat your food.”

Dahil sa narinig na pagpayag nito, natahimik ang kaba sa puso ni Serena. Ngumiti siya kay Kevin at naglapag na naman ito ng nahíwang steak sa plato niya. 

“Salamat, Kevin.”

“Anything for my wife.”

Pwede ba sabihing kinilig siya sa sinabi nito? 

HUMINTO ang sasakyan sa harapan ng 4 storey house. Iyon ang bahay nila Serena. Kung tutuusin, hindi mahirap ang pamilya ni Serena at may kompanya nga ang ama. Ngunit dahil may abuela siya lumaki, malayo ang kanyang loob sa ama lalo pa at ito ang asawa ng tiyahin niya at dito kumakampi ang lalaki.

Humugot ng hangin si Serena at bumaba ng sasakyan. Tumabi naman sa kanya si Kevin kaya kahit paano ay nabawasan ang kaba.

Bumukas ang pinto at galit na lumabas ang ama mula sa malaking pinto. 

“Serena! At nagawa mo talagang umuwi pagkatapos mo akong ipahiya sa pamilya ni Alex?” sigaw nito. 

“Nag-message kayo na umuwi ako tapos ngayon parang may amnesia kayo na hindi n'yo gusto ang presence ko rito.”

She heard Kevin chuckled beside her. 

“Aba't talagang sumasagot ka pa!”

“Sinabi ko naman sa'yo, Anthony, na pasaway iyang anak mo. Nakita mo na?” sulsol ng tiyahin niya na nasa gilid. 

Ang pinsan ni Serena na si Jessa ay napako ang tingin kay Kevin. “Sino ang kasama mo, Serena?”

Huminga nang malalim si Serena at hinarap ang tatlo. “Siya ang asawa ko, si Kevin.”

“Ano? Hindi pwede! Alam kong nagsisinungaling ka lang, Serena. Paano na ang pinagkasunduan namin ng pamilya ni Alex? Sumama ka sa akin at pupunta tayo sa kanila!”

Nagtangkang hawakan ni Anthony ang anak ngunit humarang agad si Kevin na kinagulat nito. 

“Sir, she's already married to me,” matigas na ani Kevin. 

“Binayaran ka lang siguro ni Serena para umakto? Hindi mo ba alam na may fiancé siya? Ikakasal na siya,” sabat ni Jessa at lumapit pa ito kay Kevin para haplusin ang braso ni Kevin. Agad na umiwas si Kevin na nakakunot ang noo. 

“Pa, niloko ako ni Alex pero parang ayos lang sa inyo iyon? Kasal na ako kaya hindi n'yo na ako mapipilit.”

“Normal lang sa lalaki ang magloko! Paano ko ngayon ibabalik ang perang pinahiram nila sa akin? O sige, bigyan mo ako ng tatlong milyon ngayon at kalilimutan ko 'to.”

Napamaang si Serena. 

“Maliit ang tatlong milyon kung susumahin lahat ng ginastos kay Serena. Bakit hindi gawing lima?” Ang tita niya.

Nangilid ang luha sa mata ni Serena. Dahil sa pera, hindi mahalaga ang feelings niya. 

“I'll give you 10 million. In exchange, cut your family ties with her.”

Napatingin ang lahat kay Kevin. 

*****