SAMPU: ANG LAKI

SAMPU: ANG LAKI

Sa sobrang bilis nang pagtakbo ng oras at araw, hindi ko namalayan na isang buwan na pala ako simula nang magtrabaho ako rito kina Sir Cuenca.

Medyo nakakaintindi na rin ako ng mga karaniwan at simpleng salitang Ingles sa tulong ni Tina. Kakahiya man na siya ang nagiging gabay ko ngunit nakakatuwa rin dahil nagtyatyaga siyang sabihan at itama ako. Natuto rin ako kina Manang Loyda at Mel dahil medyo marunong sila. Kaya kahit papaano ay naiintindihan ko na ang mga sinasabi ng mag-aama.

"Oh, heto na ang sweldo na'tin ngayong buwan."

Narito kami sa lamesa. Alas dies na ng umaga. May trabaho si Sir at may pasok naman ang mga bata kaya kami-kami lang ang narito sa bahay.

May nilapag si Manang na brown na envelope sa mesa at kumuha roon ng maraming pera.

Nagningning ang mga mata ko habang binibilang niya ang pera. Mukhang napakarami no'n dahil sobrang kapal. Pulos kulay asul pa.

"Alam niyo na naman paano hatian 'di ba?" Tanong ni Manang at tinignan kami isa-isa.

Tumango nam