Chapter 16

Panay pa rin sa pagtunog ang cellphone ko. Kinakalma ko ang sarili at malalim akong bumuntong hininga para baka sakali sa paraan na ito unti-unting mawawala ang kirot na nakadagan sa puso ko ngayon.

Bigla itong tumigil at tumunog ulit, ngumiti ako sa kawalan, sa ganitong paraan ba niya gustong makipaghiwalay sa akin? Sa bagong taon bang ito gustong ipaalam ni Cloud na may nahanap na siya na mas higit pa kaysa sa akin. Sobrang tuwa siguro ng mommy niya ngayon dahil nagtagumpay siya, mas lalo yatang lumapad ang tawa ng mommy ni Cloud kapag nalaman niya na si Cloud na mismo ang nakipaghiwalay sa akin dahil mas gusto niya si Karen at ngayon tumawag si Cloud para ipaalam sa akin na tapos na kami, wala na siyang nararamdaman sa akin? Na hindi na niya ako mahal, na nagsasawa na siya sa mga kabebehan ko sa buhay.

Biglang tumunog ulit ang cellphone ko, bumuntong hininga ulit ako ng malalim at pinakalma ang sarili ko, ilang minuto na lang ay malapit na magbagong taon, ganito ko ba sasalubungin