الفصل السابع عشر

الفصل السابع عشر

الاسم الثاني

ـ نادين.

الاسم وقع في المكتب كأنه حاجة اتكسرت.

أنا أول واحدة ضحكت.

مش علشان الموقف يضحك.

لكن لأن عقلي رفض يستوعب.

بصيت لفؤاد.

ـ نادين إيه؟

ما ردش.

قربت منه خطوة.

ـ سألتك نادين إيه؟

قال بهدوء:

ـ نادين فؤاد.

سليم اتحرك فجأة.

ـ إنت بتتكلم عن نادين اللي في بيتي؟

فؤاد بصله.

ـ أيوه.

سليم ضرب كفه على المكتب.

ـ وإيه علاقتها بعيلة منصور؟

فؤاد سكت.

قلت:

ـ جاوب.

تنهد.

ـ أم نادين كانت من فرع بعيد من عيلة والدتك.

اتجمدت.

ـ إيه؟

ـ مش أختها. وماكانوش قريبين بالشكل اللي يخليكي تعر